کورد ژ سالا١٩٩١ تا ٢٠٢١

3621 جار خوێندراوەتەوە

گەلەک جاران پەیڤ و گوتن و سەرھاتییێن مەزنا دەستێ خو دەیناینە لسەر گەلەک برینان، ژوان گوتنێن بەر بەڵاڤ لسەر زارێ جڤاکی کو ب گەلەک شێوازان ھاتیە ڤەھێنان ژوان ژی،
(ئەگەر سەرێ کانیێ پاقژبت پاشمایێ لدیڤ خو ژی ڕا دھێلیت دێ یێ پاقژبت و بەروڤاژی ژی)
راستە کو وەک مە ئاماژە پێدای ژ گوتنێن بەربەڵاڤە، لێ د ھەمان دەمدا ئەم بخوژی رێگریێ ل حیکمەتا ھندەک گوتنان دکین،
ئەڤ گوتنا لسەرێ مە باسکری ئەگەر نمونەکا کرداری لسەر بینین بو بێھتر رونکرنێ، ئەگەر مە بڤێت ئاڤاھیەک جوان و برێک و پێک ئاڤابکین دێ دەستپێکێ و کارێ ئێکێ ژ بنیاتی دەست پێکین بو وێ یەکێ ئاڤاھیێ مە بو ژیەک درێژ ب جانیا خو بمینت بیێ کو دەرز بکەڤنێ یان ژبەر ھەر ئەگەرێ رویدانەکا سروشتی ژناڤبچیت،
کەواتە ئەگەر تە بڤێت بگەھیە ژمارا مەبەست دێ ژ ژمارە ئێک دەستپێکێ.
لێ بەروڤاژی ژی رۆژەڤا مەیا ئیرو نە بتنی پێچەوانەی گوتنا مەزنا ئەوا ناڤھاتی یە بەلکو زورینەیا گوتنێن کو بو مە سوودبەخش دشێن بێژین.
رۆژەڤا ئیرۆژی لجھێ ھزرکەن ئەو چ تشتە بویە سەدەما پەیدابونا ڤێ رویدانێ!، بنیاتێ ئەڤی بابەتی بو کیڤە دھێت ڤەگەران!،  ئەم خو بوێ رویدانێ ڤە مژیل دکەین و ھزردکین ئەگەر ڤێ رویدانێ چارەکین دێ ئارامبین و بابەت دێ ب دوماھیک ھێت.
ل سالا ١٩٥٧ ئێکەم کەنال ل عێراقێ ھاتە پەخشکرن ل بەغدا.
پشتی وێ پەخشکرنێ ب ٣٧ سالان کو ل رێکەفتی ١٨/٦/١٩٩١
ئێکەم کەنال ل بادینان تایبەت ب گەلێ کوردستانێ ڤە ھاتیە پەخشکرن
دەستپێکا ھەردوو کەنالان ژ رەش و سپی دەستپێکرینە
ئەگەر بێھتر باس ل کەنالێ گەلێ کوردستانێ بکین.
بێگومان ژ ئەگەرێ ھێرشێن لسەر گەلێ کورد ل باشورێ کوردستانێ تەکنولوجیا گەشە و وەرار نە کربی، د بەردەوامیا پەخشکرنا کەنالێ ناڤھاتی روژەڤا کوردستانێ ببو حەرام و حەلالیا دانانا تیڤیان ل ناڤا مالان دا، و زورینەیا خەلکێ ژ ئەگەرێ حەرامکرنا دەینانا تیڤیان ل مال ژلاێ گوتاربێژێن ئاینی نە دەینابون، و ئەگەرێ حەرامیێ ژی ژ ترسا ژدەستانا پەروەردێ دناڤا خێزانێ دا بو، ژبەرکو پێکھاتێ خێزانێ گەنجن ژ کچ و کوران ھەروەسا ژ مەزن و بچیکا، بێ گومان پاش وی ماوەی موبایل کەتنە بازاری و کەنال بونە رەنگ و ھێدی ھێدی تەکنولوجیایا سەردەم گەشە و وەرار دکر ل دەڤەرا، پشتی ھاتنا ھەر تەکنولوجیایەکێ روژەڤ دبو ئەو روژەڤ ل دەڤەرا، و باس ل ژ دەستدانا  پەروەردێ دکرن، و گەلەک ئاریشێن خێزانی جڤاکی دروستدبون.
روژەڤا مەیا ئیرو ژی پشتی بورینا ٣٠ سالان ژ سالا ١٩٩١ تا ٢٠٢١ 
 گەشتیە یانێن شەڤا و مەیڤەخارنێ ب زاردەڤێ خەلکێ دیسکو بار و مەلھا و کچێن لەش فروش ب شێوەیەکێ گشتی کو لایەنێن پەیوەندی دار یاسایەکا دەرکری ل رێکەفتی ٢٤/٢/٢٠٢١ ژ دەمژمێر ١٢ شەڤ پێڤە مەرجە ئەڤ چەندا ناڤھتی بھێنە دائێخستن ئەڤە پشتی چەندین ھەولدانان ژ کێمکرنا ئەوا مە لسەری ئاماژە پێدای دکەن ژ ئەگەرێ ژدەست نەدانا پەروەردێ و کێم بونا ئاریشێن خێزانی و جڤاکی، ئیدی بابەت بتنێ کەنالەکێ رەش و سپی نینە ب سەدان کەنالێن مێدیای ئەسمانی و لوکالی و مێدیایا تورێن جڤاکی و یارییێن ئەلیکترنی ژی مەزنتربویە.
بابەت رونە مە دڤێت پەروەردە ل کێمێ نەدەت لێ ژبەرکو لدیڤ بنیاتێ ئەڤی بابەتی یان بێژین سەرێ کانیا ڤی بابەتێ پەروەردێ نەچوینە بێگومانە تەکنولوجیا یا د وەرارا خوەدا و خەلکەکێ ھەی بوان بویە دەریا (بەحر) و ھەر ژەھرا مەیا دوژوارتر لێ دھێت،
لێ گونجایترین ناڤ و نیشانێن چارەیا ڤی بابەتێ مە ڤەکری یێ پەروەردێ (دەستپێکێ پەروەردە دانە پاش پەروەردە وەرگرتنە)
بو بێھتر رونکرنا ڤی ناڤ و نیشانی، ئەگەر خەلک ھاتبایە پەروەردەکرن لسەر بنیاتەکێ ساخلەم  ژلاێ لایەنێن پەیوەندیدار وەکو خاندنا حکومی کەواتە مامووستا یان گوتاربێژێن ئاینی ھەروەسان کەسێن ناڤدار و یان کەسێن شارەزا د بیاڤێن جودا دا، ھەروەسان ئەم نەشێن ھەمی ئەرکێن پەروەردێ بدینە ب پال دەیک و بابان ڤە ژبەرکو خویایە دەیک و بابێن مە ژ سەدەما کێشێن رەڤین و تالانکرن و کوچکرنێ.... د ھێت، دەلیڤا پێشڤەبرنا خو بخو نەبوینە، ئاخر ھێسان نینە کەسەکێ پەروەردەیەکا ب تەمەتا پێتڤی نەبیت پەروەردێ ب ھندەک کەسێن دیتر ب بەخشیت، کەواتە ئەوێن مە ئاماژە پێدای ئەگەر پەروەردە ژلاێ وان ڤە ھاتە دان دێ ھێتە وەرگرتن لێ بەروڤاژی نە ھێتە دان نەک بتنێ ناھێت وەرگرتن بەلکو ئەوێن لدویڤ کەسێن بێ پەروەردە ژی دا دھێن  رەنگە ب ھەمان سالوخەتان بن ئەگەر خرابترنەبن (ب شێوەیەک گشتی دبێژین).
ئەڤە بابەتێ پەروەردێ ناڤ و نیشانێن بابەتەکێ دیترن مە بتنێ وەکە نمونە ئینا ژبو زەنگینکرن و رونکرنا گوتارا مە،
نە بتنێ کێشێن پەروەردێ مە ھەنە بەلکو ئەگەر بھەژمێرین سەرێ ھەر پەیڤەکێ ناڤ و نیشانێن بابەتەکێ یە، بو نمونە وەک خویا سیاسەت ژ رۆژەڤێن ئیرویە کێشێن گەندەلیێ، ئابوری، کومەلایەتی... و دھێت.
ئەگەر ب پرسن بنیاتێ ئاڤاھی یان ژمارا ئێک د ڤێ چاخێ نھا دا کیە.
دێ بێژم دەستھەلاتە، ژبەرکو بریاردەرا پاشەرۆژێ ژبوی دەستھەلاتێ دھێت ڤەگەران، لێ د ھەمان دەم ژی دا نەشێم بێژم بنیات دەستھەلاتە رەنگە  قوناغەکا پشتی بنیاتی بت، کەواتە ژمارە ٢ بیت نەکو ژمارە ئێک.