ئامادەبن بۆ بەرپرسیارەتیێ

2765 جار خوێندراوەتەوە

قوناغا یەکەما خەباتا مەدەنی بسەرکەفتی دەربازبوو و خەڵک ھشیار بویە و دزانن مافێ وان یێ دھێتە خوارن سیاسەت و ترس و وەھمێ دھێتە پراکتیزەکرن، د قوناغا دووەمدا پێدڤیە خەڵک ھەست ب بەرپرسیارەتیێ و ئەرکێن خۆ بکەت دا مافێن خۆ بستینیت، ببن خەباتکارێن ئەڤرۆ و سەرکردێن سوبە و ڤی وڵاتی بڕێڤەببن.

ھەر ژ دەستپێکا دەرکەفتنا بزاڤا گۆڕان ب ھەڤبەشی دگەل یەکگروو، کۆمەڵ، دامەزراوەیێن میدیای، خەڵکێ ئەکادیمی و سەربخۆ ھەتا ھێزێن نوی دەرکەتین ئۆپۆزسیۆنەکا حەقیقیا چاڵاک ژدایکبوو و کاریە تا نوکە خەڵکی ھۆشیار بکەت خەباتەکا ھۆشیاریا سیاسی، پەرلەمانی، ئاشنابوون ب مافان ئەنجامبدەن، ب جۆرەکی نھا ھەر ژ کادرەکێ پارتا دەستەڵات تا ھاوڵاتیەکێ سادە بپرسی دزانت دزی، تاڵانی و ڕێڤەبرنەکا خراپ ھەیە ھەتا دەستەڵاتا تەشریعی، تەنفیزی، دادوەری دانپێدنێ ب ھەبوونا مەترسێا گەندەڵیێ دکەن، واتە زۆرینەیا خەڵکی ھشیاربوو، لێ کێم کەس ئامادەنە بۆ بدەستخستنا مافان بھێتە سەر جاددێ یان قوربانیێ بدەت (ڕاستەپێدڤی ناکەت ھەموو جڤاک ئامادەی گۆھەڕین بیت )، لێ بەشەک  ژتەخا نوخبە ژ دخوازن ھەمی تشت باش بن و ئەو پاڵدای، لەو پێدڤیە خەڵک ھەست ب بەرپرسیارەتیەکا ئەخلاقی ونیشتیمانی بکەت و ئامادەبیت باجێ بدەت بۆ ژناڤبرنا گەندەڵی و گۆھەڕینا سیستەمێ حوکمڕانی، ژبۆ پراکتیزەکرنا حوکمێ قانون و پاراستنا پێشەڕۆژا نەفیێن بھێت.

ڕاستە گروپ بنەماڵێن حوکمدار پتر فشاران دکەن و ژەھرا خۆ دەردکەن لێ ئەو بێھێزیا وانە، ڕۆژا جاشێن دوھی و بناڤ کوردپەروەر و لیدەرێن ناسیۆنالیزما ساختە بەڕەڤ داویێ دچیت و دناڤخۆ ژیدا لاواز و پیربوونە و ڕۆژانە میلەفێن وان دکەفن بەردەستێ مە، ژلایەک دیڤە لوبی و پشتگیریا نێڤدەوڵەتی بۆ خەباتا مە بھێزتر دبیت وبەرەڤ قوناغەکا دامەزراویتر دچین، پارتی و یەکێتی پێ خوشە ھون حکومەت و گوڕەپانێ بۆ چۆڵکەن و بچنە دەرڤەی وڵاتی، داکو بڕێکا دەستەڵاتێ خێروبێرێن ڤی وڵاتی تاڵان کەن، لێ پێدڤیە ئەم داھات، دەستەڵاتێ ژ دەستێ جووت حزب و سیستەمێ ٢٩ ساڵێن سەقەت دەربینین و بکەینە حکومەتا ھاوڵاتیێن ڤی نیشتیمانی.. ئەڤە بتەنێ پێدڤی تەحەدا و قوربانیێ یە، ئەمانەت و بەرپرسیارەتیا بڕێڤەبرنا ڤی وڵاتی دێ ھەر کەفیتە سەر ملێن ھەوە خەڵکێ ھشمەند و خەمخۆر، لەو ھون سەرکردێن پێشەڕۆژێنە خۆ ئامادەکەن بۆ جوان بڕێڤەبرنا ڤی نیشتیمانی.