دەستێ دەرەکی؟
8/22/2020 12:00:38 PM
2839 جار خوێندراوەتەوە
خەتاب عومەر
+
-
ئەو لێدوانا شەرمنانە ئەوا کۆ بەردەوام بەرپرسێن ئەمنی و ئیداریێن ڤێ ھەرێمێ ددەن کۆ دەستێ دەرەکی ل پشت بویەرێن نەرازیبونانە ئەڤان خالان ڤەدگریت.
یەکەم: دانپێدانەکا راستەوخویە کو ئەو دەزگەھێن ب ناڤ ئەمنی شایەنی پاراستنا نشتیمانی نینن ژبەرکو بەردەوام ب دانپێدانا وان دەستێن دەرەکی دناڤ ڤی نشتیمانی دا ھەنە و مەترسینە ل سەر ئاسایشا مە و وان پێ چێنابیت مە بپارێزن.
دووەم: ئەگەر مەبەستا وان ئەوە لایەنگرێن حزبێن دی ژبلی حزبێن وان دەرەکی نە ئەو لوی دەمی دانپێدانە کو سازیێن حزبینە و شایەنی رێزێ نینن و ھاولاتی و پاراستنا ھاولاتی بۆ وان گرنگ نینە ژبلی ئەندام و لایەنگرێن وان.
سێیەم: ئەگەر مەبەستا وان ئەوە کو دەستێ دەرەکی ئەون ئەوێن ھوشیار و فێری سەرشوری و مافخارنێ نەبوین و بێ دەنگ نابن ل ڤی دەمی ئەڤ سازی یە یێ ھەولا دروستکرنا نڤشەکێ چاڤ شور دکەن و ئەڤە ژی مەترسی یە ل سەر پاشەروژێ و دروستبونا نشتیمان و سازیێن دیموکراتی ل گور پیڤەرێن سەردەم و کوشتنا غیرەتا بەرھەنگاریێ یە ئەگەر ھات و سوبەھی ھەرەشە و دەست درێژی ل سەر ئاخ و نشتیمانی ھاتە کرن ئەوێ سەرشور و ھاتینە بێ دەنگکرن دێ ھەر بێ دەنگ و سەرشورتربن.
خواندنەکا راستەقینە یان بابەتێ دەستێ دەرەکی د مێژوو و سەرەدەریا کەتواریدا چ لایەن وەکۆ پارتی و ئێکەتی دەستێ دەرەکی نە ئیناینە و نەبوینە ژ چەک وەرگرتن و پارە وەرگرتن و ھەتا ئینانا ھێز و بارەگاێن دەست و پێت دەرەکی نەک بتنێ دەستی دەرەکی بێ گومان ب گوتن و دانپێدانێن وان یێت مێژووی و بەردەوام ژی نەڤەشارتینە ل ڤێرێ یان ئەڤان دڤێت ڤێ چەندێ ب ڤێ بەھانەیێ بکەنە تشتەکێ نورمال یان ژی عەقل و تێگەھشتنا وان ھندە و ھزر دکەن سەردەمێ تالانیا کەرامەتێ یە وەکی د مێژویێ دا ئەنجام دای.
گرتن و راگرتنا چالاکڤان و رۆژنامەڤانان ب بەھانەیا ھاندان و پشێویێ ب ڤی شێوازی ڤەرێژا دەستھەلاتداریەکا ئەمنی عەسکەری یە و وەلاتی بەرەف سیستەم و سازیێن نشتیمانی نابەت تولڤەکرن ژی ل ھاولاتی کارێ دەستھەلات و دەستھەلاتدارێن بچویکە و ل دەمێ پێتڤی سزاێن توند دێ پەیداکەن.
نان برین و تالانکرنا نان و ژیارا خەلکی ب دانپێدانا وان یا راستەوخو بەشا ھندێ نەدەتێ کومەکا کەسان خرڤە ببن و ب بچوکترین ماف بانگ بکەن ئەم قەبول ناکەین ئێدی ئەڤە نیشانا نڤێسینا دوماھیک لاپەرێن پەرتوکەکا ٣٠ سالی یە و بەھانەێن وان ێن بێ بنەما دێ ڤێ پەرتوکێ ژی ژناڤ بەت.
ژ لایێ یاسایڤە پرانیا جاران ئەڤ ھاولاتی و چالاکڤانێن سیاسی و رۆژنامەڤانێن دھێنە گرتن ناھێنە رەوانەکرن بۆ دادگەھێ ل ڤێرێ ب روونی دیار دبیت گرتنا وان بێ بریارا دادوەری یە و بەردانا بەشەک ژ وان ب رێککەفتنێن سیاسی و دروستکرنا پەیماننامان ل سەر وان و بەردان جارەکا دی بێ دەدگەھـ کارەکێ دیێ نەیاسایی یە ئێدی ئەڤە روونی بێ دەنگیا دادوەر و داواکارێن گشتی و یاساناس دئێخیتە بەردەم پرسیارەکا ئەخلاقی و یاسایی و نەبونا ھەلویستی ل سەر رەوشا نھا یا ھاولاتیان و بێ دەنگ بوون ل سەر بن پێکرا یاسا و دادگەھان ئەو پەری شەرمەزار ی و بێ دەستھەلاتی یە.