توپبارانکرنا سنورێن هەرێمێ بۆ خەلەتیەکا سەرکردێن کوردان ڤەدگەریت

2737 جار خوێندراوەتەوە

بێگومان توپبارانکرنا سنورێن هەرێما کوردستانێ ب دژواری ل ڤان هەیاما ژ بوشایێ نەهاتیە و ئەگەرەک دپشتڕا هەیە، ئەم دزانن دوو هێزێن سیاسی ل روژئاڤایێ کوردستانێ هەنە کو ئەوژی یەکەیێن پاراستنا گەل ــ یەپەگە و ئەنجومەنا نشتیمانیا کورد ــ سوریا  ئەنەکەسە کو  ئەڤ هەردوو پارتە ئێک ژ وان کو یەپەگەیە بسەر پەکەکێ ڤەیە و ئەنەکەسە ژی بسەر پارتا دیموقراتا کوردستانێ ڤەیە ، تورکیا ب هیچ ڕەنگەکێ قەبول و دان و ستاندنا دگەل یەپەگێ ناکەت و ژ هەڤپەیمانێن خوە ژی دخوازە کو هیچ پەیوەندی و دان و ستاندنەک و لهەڤهاتنەکێ لگەل ڤێ پارتێ نەکە ، بەلێ ئەنەکەسە دگەل یەپەگێ گەهشتن رێکەفتنا دهۆکێ دا، ئەوا کو ل سالا  ٢٠١٤  بەحس لسەر هاتیەکرن و گەهشتن چارەیەکێ کو هەردوو پێکڤە دێ رۆژئاڤایێ کوردستانێ برێڤەبەن ژلایێ سیاسی،  سەربازی و کارگێری ڤە و رێکەفتی ١٧ێ هەزیرانا ٢٠٢٠ێ  ئەڤ رێکەفتن بسەرپەرشتیا ئەمریکا و پشتەڤانیا مسعود بارزانی و نێجیرڤان بارزانی ڤە هاتە ئیمزاکرن،  ژبەر ڤێ  لهەڤهاتنا ئەنەکەسێ کو پەیوەندیێن وێ دگەل تورکیا دخوشن لگەل یەپەگێ کری،  ئێدی د چاڤێ تورکیا دا چ جوداهی نەما دناڤبەرا ئەنەکەسێ و یەپەگێ دا لەوان پشتی رێکەفتنێ ب روژەکێ ئێکسەر سنورێن هەرێما کوردستانێ هاتنە توپبارانکرن .

هەرچەندە ئێکگرتن و کارکرنا ب هەڤرا یا کوردان گرنگە لێ ب بووچونا من ئەگەر ئەڤ ڕێکەفتن ب نهێنی هاتبا ئیمزاکرن گەلەگ باشتربوو ، تورکیا ژی نها سنورێن هەرێما کوردستانێ توپباران  و خاکا وێ داگیر نەدکر و هاوڵاتیێن وێ  نەدکوشتن .

هەروەسا من دڤێت ڤێ چەندێ ژی ئاشکەرا بکەم، کو هێزێن سنوری یێن عیراقێ کوردن، پەکەکە ژی کوردە و ئەو هێزێن تورکیا ژی دئینە سەر سنورێن هەرێما کوردستانێ ریژەکا زوور کوردن و شەری کوردان پێ دکەت، واتە دەرئەنجام ب چ ئاوای بە دبەرژەوەندا تورکیا دایە و کورد قوربانی نە و دهێنە کوشتن !