جۆزێف ڤۆتێل فەرماندارێ هێزێن ئەمریکا ل رۆژهەلاتا ناڤین
فۆتۆ:
2019-02-06
762 جار خوێندراوەتەوە
فەرماندارێ هێزێن ئەمریکا ل رۆژهەلاتا ناڤین راگەهاند، مەترسیا سەرهەلدانا داعشێ ل سوریا و عێراقێ هەیە.
جۆزێف ڤۆتێل فەرماندارێ هێزێن ئەمریکا ل رۆژهەلاتا ناڤین د داخویانیەکێ دا ل هەمبەر جڤاتا پیران هوشیاریا سەرهەلدانا داعشێ دا و گۆت:" ئەگەر ئەمریکا ژ سوریایێ ڤەکشە، دێ جارەکی دن داعش سەرهەلبدە . ژ بەر وێ یەکێ، پێدڤیە فشارێن سەر وێ رێکخستنێ بەردەوام بن.
فەرماندارێ هێزێن ئەمریکا ل رۆژهەلاتا ناڤین دازانین، دەربارێ پرسا ڤەکشاندنا هێزێن ئەمریکایێ ژ سوریایێ، دۆناڵد ترەمپ د گەل وی نەشێوریە.
١٩ێ هەیڤا کانونا سالا ٢٠١٨ێ دۆناڵد ترەمپ بریارا ڤەکشاندنا هێزێن ئەمریکی ژ سوریایێ دا و ئەو یەک ژی بوو سەدەما کارڤەدانان.
هـ.ج