٦٠٠ سەربازێن ئەمریکی گەھشتنە ڕۆژئاڤایێ کوردستان و باکورێ سوریایێ
فۆتۆ: ئەرشیڤ
2019-01-28
855 جار خوێندراوەتەوە
ب مەرەما پشتەڤانیا پرۆسەیا ڤەکێشانا ھێزێن ئەمریکایێ نێزیکی ٦٠٠ سەربازێن ئەمریکایێ گەھشتنە بنگەھێن ئەسمانی یێن ڕۆژاڤایێ کوردستان و باکورێ سوریایێ.
ئاژانسا ئەنادۆل ڕاگەھاند، سەرباز دێ بسەر بنگەھان دا ھێنە پارڤەکرن و ل دەما دەستکرن ب ڤالاکرنێ، دەڤەرێن خەراب عشق و سڕین وەک بنگەھەکێ سەرەکیێ ڤالاکرنێ دێ ھێتە بکارئینان.
ئەو یەک ژی دیارکر، بنگەھێن تەل بەیدەر ل باکور و ڕۆمێلان ل پارێزگەھا حەسەکەیا ڕۆژئاڤایێ کوردستانێ بۆ ڤەگوھاستنا کەلوپەلێن بسەنگ تێن بکارئینان.
ڕاگەھاند ژی، ل دەڤەرێن ڕۆژئاڤایێ کوردستان و باکورێ سوریایێ، ١٨ بنگەھێن سەربازی و نێزیکی دوو ھزار سەربازێن ئەمریکی ھەنە.
ڕۆژا ١٩ێ کانونا ٢٠١٨ێ دۆنالد ترەمپ سەرۆکێ ویلایەتێن ھەڤگرتیێن ئەمریکا فەرمان ب ڤەکێشانا تەڤایا ھیزێن ولاتێ خۆ کر د ناڤخۆیا سوریا دا.
س.م