رۆسەیا ڤەکشاندنا هێزێن ئەمریکا ژ سوریایێ
فۆتۆ:
2019-01-11
713 جار خوێندراوەتەوە
ئەمریکایێ دەست ب ڤەکشاندنا چەک و ئالاڤێن سەربازی ژ رۆژئاڤایێ کوردستانێ کر، لێ هەیا نها دەما ڤەکشاندنا سەربازێن خوە دیار نەکریە.
بەرپرسەکێ بلندێ وەزارەتا بەرەڤانیا ئەمریکایێ راگەهاند، هێزێن وان دەست ب ڤەکشاندنا چەک و ئالاڤێن سەربازی ژ سوریایێ کرنە، لێ هەیا نها زەلال نینە کەنگی هێزێن وان کو نێزیکی دوو هەزار سەربازن، ب تەمامی ژ سوریایێ تێن ڤەکشاندن.
بەرپرسێ ئەمریکی دازانین، ژ بەر سەدەمێن ئەولەکاریێ نکارە د نها دا زانیاریێن زێدەتر بەلاڤ بکە.
کەنالا سی ئێن ئێن ژی ژ زارێ بەرپرسەکێ ئیدارەیا ئەمریکایێ، دەست ب ڤەکشاندنا ئالاڤێن لەشکەری ژ سوریایێ هاتیە کرن و ئەو یەک ژی دەستپێکا پرۆسەیا ڤەکشاندنا هێزێن ئەمریکا ژ سوریایێ یە.
١٩ێ کانونا ٢٠١٨ێ دۆنال ترەمپ سەرۆکێ ئەمریکایێ بریارا ڤەکشاندنا هێزێن وەلاتێ خوە ژ سوریایێ دا و ئەو یەک ژی بوو سەدەما کارڤەدانان ل سەر ئاستا ناڤخوە و دەرڤەیێ سوریایێ دا.
هـ.ج