محه‌مه‌د جه‌واد زه‌ریف وەزیرێ دەرڤەیێ ئیرانێ
فۆتۆ:
2019-01-11
715 جار خوێندراوەتەوە
محه‌مه‌د جه‌واد زه‌ریف وەزیرێ دەرڤەیێ ئیرانێ دەربارێ بەردەوامیا دۆرپێچێن ئابۆریێن ئەمریکایێ بۆ سەر وەلاتێ خوە، بەرسڤا گۆتنێن مایک پۆمپیۆ وەزیرێ دەرڤەیێ ئەمریکایێ دا.
وەزیرێ دەرڤەیێ ئیرانێ ل سەر رووپەلا خوە یا تویتەرێ راگەهاند، چ جاران ئیران پلان و ستراتیژیا خوە بۆ وەلاتێ کو ئەمریکا دخوازە ناگۆرە.
هەروەسا گۆت:"ئەمریکا هەردەمەکێ دەستوەردانا هەر جهەکی بکە، تەڤلیهەڤی، سەرکوتکاری و نەفرەتێ بەلاڤ دکە."
محەمەد جەواد زەریف هەروەسا دازانین، کەنگی ئیران ببە دووڤلانکێ ئەمریکایێ وێ دەمێ دۆزەخ دێ ببە جەمەدستان(واتە خواستەکا ئەمریکایێ تو جاری پێک نایێ) و یا باش ئەڤە کو ئەمریکا دەست ژ ئیرانێ بەردە و هەڤالتیا وان وەلاتان بکە کو مەترسی ل سەر جیهانێ چێکرنە.
مایک پۆمپیۆ وەزیرێ دەرڤەیێ ئەمریکایێ د سەردانا خوە دە بۆ رۆژهەلاتا ناڤین و ل قاهیرەیێ راگەهاندبوو، دۆرپێچێن ئابۆریێن ئەمریلا ل سەر ئیرانێ، گەلەک گرانن و هەتا ئیران وەکو وەلاتەکێ ئاسایی رەفتارێ دکە، دۆرپێچ دێ بەردەوام بن.
هـ.ج