هێزێن ئەمریکا ل سوریایێ
فۆتۆ:
2019-01-05
758 جار خوێندراوەتەوە
بەرپرسەکێ بلندێ وەزارەتا دەرڤەیا ئەمریکایێ راگەهاند، ئەمریکا ناخوازە، ب ئاوایەکێ هەرتمی ل سوریایێ بمینە، لێ نها چ خشتەیەک بۆ ڤەکشاندنا هێزێن وان ل سوریایێ نینە.
بەرپرسێ ئەمریکایێ کو ئاژانسا رۆیتەرزێ ناڤێ وی ئەشکەرە نەکریە، دازانین، د چارچۆڤەیا هەڤپەیمانیێ دا، فشارێن وان بۆ سەر داعشێ و نەهێشتنا چ ڤالاهیان بۆ وێ رێخراوێ، بەردەوام دبن.
هەژمارەک بەرپرسێن دن یێن ئەمریکی دیارکرن، ڤەکشاندنا هێزێن ئەمریکایێ چەند مەهان بەردەوام دبە. ئەو یەک ژی دبە سەدەم کو پشتەڤانیا ئەمریکایێ بۆ ژناڤبرنا داعشێ بەردەوام بە.
شۆن روبرتسون پەیڤدارێ پنتاگۆنێ ژی داخویاکرن، هێزێن هەڤپەیمانان وەکی بەرێ، پشتەڤانیا هێزێن سوریایا دیموکراتیک د شەری ل دژی داعشێ دا دکەن.
جاریت مارکیز پەیڤدارێ ئەنجومەنا ئەولەهیا نەتەوی یا ئەمریکایێ ژی دیار کر، جۆن بۆلتۆن شێورمەندێ ئەولەهیا نەتەوی، سەردانا تورکیا و ئیسرائیلێ دکە و ب بەرپرسێن وان وەلاتان رە، پرسا ڤەکشاندنا هێزێن ئەمریکا ل سوریایێ و شەرێ ل دژی داعشێ، گۆتوبێژ دکە.
هـ.ج