سەرۆکێ فەرەنسایێ: پێدڤیە کوردێن سوریایێ بێن پاراستن
فۆتۆ:
2019-01-03
720 جار خوێندراوەتەوە
ل گۆری داخویانیەکا کۆشکا ئیلیزێ، ئیمانوێل ماکرۆن سەرۆکێ فەرەنسایێ و ڤلادیمێر پوتین سەرۆکێ روسیایێ بەحسا کریزا سوریایێ کرنە و سەرۆکێ فەرەنسایێ تەئکید ل سەر پاراستنا کوردێن سوریایێ و پێکهاتەیێن دن کریە.
هەروەسا ماکرۆن دیار کریە کو پێدڤیە هێزێن هەڤپەیمانیا ناڤدەولەتی ب سەرۆکاتیا ئەمریکایێ، د مژارا لهەمبەردەرکەتنا داعشێ و پاراستنا هێزێن کو شەرێ داعشێ دکن دە، ب تایبەتی هێزێن کوردی، بەردەوام بە.
سەرۆکێ فەرەنسایێ ژ هەڤتایێ روسیێ خوە رە راگەهاندیە، پێدڤیە مافێ وەلاتیێن سوریایێ بێ پاراستن و شەرێ دژی داعشێ ژی هەتا بداویهاتنا وێ سازیێ بەردەوان بە و گۆت:" شەرێ دژی داعشێ بداوی نەهاتیە و دێ بەردەوام بە."
زێدەباری وێ یەکێ کو دۆناڵد ترەمپ سەرۆکێ ئەمریکایێ دیارکبوو کو هێزێن خوە ژ باکورێ سوریایێ ڤەدکشینن، لێ د داخویانیەکا نوو دە دوهی ٢ێ چلەیا ٢٠١٩ێ ترەمپ دازانین، وی بەحسا ڤەکشاندنا هێزێن ئەمریکی د ناڤا چار مەهێن داهاتی دا نەکریە و ئەگەر ژ سوریایێ ڤەکشن ژی، دێ کوردان بپارێزن.
هـ.ج