ڕەوانگەھا سوری: د سالا ٢٠١٨ێ دا نێزیکی ٢٠ ھزار وەلاتیێن سوری ھاتنە کوشتن
فۆتۆ: ئەرشیڤ
2018-12-31
679 جار خوێندراوەتەوە
ڕەوانگەھا سوری بۆ مافێن مرۆڤان ئاشکراکر، د سالا ٢٠١٨ێ دا نێزیکی ٢٠ ھزار وەلاتیێن سوری ھاتنە کوشتن، ئەڤە ژی کێمترین ڕێژەیە د ھەشت سالێن بووری ل وی ولاتی دا.
لگۆری ئامارەکا وێ ڕێکخراوێ، ل سالا ٢٠١٨ێ دا ١٩ ھزار و ٦٦٦ کەس ل سوریایێ ھاتنە کوشتن، کو د ناڤا وان دا شەش ھزار و ٣٤٩ کەس سڤیل و ھزار و ٤٣٧ێن دی ژی زارۆکن.
ھەڤدەم ڕامی عەبدولڕەحمان ڕێڤەبەرێ وێ ڕێکخراوێ د داخۆیانیەکێ دا بۆ ئاژانسا فرانس پرێس ڕاگەھاندیە، ل دەستپێکا دەستپێکرنا شەرێ سوریایێ کێمترین ڕێژەیا کوشتنێ د ئەڤ سالە دا ل وی ولاتی ھاتیە تۆمارکرن.
ئەڤە ژی دەمەکێ دایە لگۆری ئامارێن ڕێکخراوا ڕەوانگەھا سوری ل سالا ٢٠١٧دا ٣٣ ھزار کەس ھاتبوونە کوشتن، ل سالا ٢٠١٤ێ ژی ئەو ڕێژەیە گەھشتیە ٧٦ ھزار کەسان کو بلندترین ڕێژەیە ل دەستپێکا دەستپێکرنا شەرێ سوریایێ ل سالا ٢٠١١ێ.
س.م