میخائیل بۆگدانۆڤ شاندیێ تایبەتێ سەرۆکێ روسیایێ بۆ رۆهەلاتا ناڤین
فۆتۆ:
2018-12-28
733 جار خوێندراوەتەوە
شاندیێ تایبەتێ سەرۆکێ روسیایێ بۆ رۆهەلاتا ناڤین راگەهاند، مۆسکۆ ئامادەیە ناڤبەینکاریێ ژ بۆ ڤەکشاندنا هێزێن تورکیا ژ سوریایێ و بجیکرنا هێزێن سوریا ل جهێن کو هێزێن ئەمریکایێ ژێ ڤەدکشن بکە.
میخائیل بۆگدانۆڤ د هەڤپەیڤینەکێ دا د گەل مالپەرا بلۆمبێگر یا ئەمریکی دا دازانین، روسیا ئامادەیە ناڤبەینکاریێ د ناڤبەرا کوردێن سوریا و دیمەشقێ دا بکە داکو هێزێن سەر ب حکومەتێ ژ بۆ وان ناڤچەیان ڤەگەرن و هێزێن تورکیا ژی ڤەکشن.
بۆگدانۆڤ پێشنیارا تورکیایێ بۆ دەستپێکرنا گۆتوبێژان د گەل حکومەتا سوریایێ وەکی پێشکەتنەک گرنگ بناڤ کر و راگەهاند، وەلاتێ وی پێشوازیێ ل وێ پێشنیارێ دکە.
شاندیێ تایبەتێ سەرۆکێ روسیایێ بۆ رۆژهەلاتا ناڤین دیار کر ئەگەر حکومەتا سوریایێ هەموو ناڤچەیێ کۆنترۆل بکە و سەروەری و یەکێتیا سوریایێ بێ پاراستن، واتەیا هەبوونا هێزێن ئیران و گرۆپێن دن ژی ل سوریایێ نامینە.
رۆژا ١٩ێ ڤێ مەهێ دۆنالد ترەمپ سەرۆکێ ئەمریکایێ دازانین، دێ هێزێن خوە ژ سوریایێ ڤەکشینن کو هەژمارا وان دوو هەزار سەربازن و ئەو یەک ژی بوو سەدەما دلگرانیا هێزێن کوردی یێن سوریایێ.
هـ.ج