فۆتۆ:
2021-03-17
261 جار خوێندراوەتەوە
ئەڤرۆ چارشەمبی، مافێ پەرلەمانتاریێ ژ ئەندامێ فراکسیۆنا هەدەپە ل بازنەیا کۆجائەلی، عومەر فاروق گەرگەریئوإلو ستاند.
ل جڤاتا گشتی یا پەرلەمانێ تورکیا، خاندن بۆ یاداشتناما سەرۆکایەتیا کوماری دەربارەی وی سزایێ داویێ کو دادگەهێ بسەر پەرلەمانتار گەرگەریئوغلو سەپاندی، کر.
دادگەهـ ب تاوانا ''بانگەشەکرن بۆ رێکخراوا تیرورستی'' سزایێ دوو سال و شەش مەهـ زیندان بسەر پەرلەمانتارێ هەدەپە گەرگەریئوغلو سەپاند و سزایێ وی ژ ئالیێ ١٦ مین فەرمانگەها سزایێ سەر ب دادگەها بلند پەسەندکربوو.
ئەندامێ فراکسیۆنا هەدەپە ل بازنەیا ئیستانبولێ، عەلی کەنعانئوغلو، د زەلالکرنەکێدا بەری خاندنا یاداشتنامێ بەحس ژ وێ یەکێ کر، ''عومەر فاروق گەرگەریئوغلو، ئیرادەیا خەلکیە؛ ژبەر وێ راستیێن پاراستی دێ هێتە سزادان و بزاڤ دهێتەکرن پارێزبەندی ژێ بهێتە ستاندن، ل دەمەکێدا هێشتا دادگەها دەستوری بریارا خۆ نەدایە، ئەڤ لەزکرنە چیە؟ تاوانێ ئئەنجامددەن. ل تەنشت ڤی پەرلەمانتاریداینە.''
ژ ئالیێ خۆ. پەرلەمانتارێ هەدەپە گەرگەریئوغلو گوتی، ''ئەو بریار ژ دەرڤەی یاسایێ یە، جڤاتا گشتیا پەرلەمانی بجهـ ناهێلم، بۆ چ جهەکێ ناچم، دێ پەنایێ بەمە بەر ئیرادەیا گەلێ مە''.
هـ.ر