فۆتۆ:
2021-03-15
614 جار خوێندراوەتەوە
محەمەد ئوجەلان ڕاگەهاند، نێزیکی سالەکێ یە چ پێزانین دەربارەی رەوشا ساخلەمیا عەبدولا ئوجەلان نینە د زیندانێ دا.
محەمەد ئوجەلان ل سەر وی دەنگویێ دەربارەی رەوشا ساخلەمیا عەبدولا ئۆجەلانێ برایێ خۆ بەلاڤکرینە بو ئاژانسا میزۆپۆتامیا ڕاگەهاندیە، ل ٣ێ ئادارا سالا ٢٠٢٠ێ و ل پشتی بویەرا ئاگرکەفتنا دورگەیا ئیمرالی چاڤێ وی ب ئوجەلان نە کەفتیە و چ پێزانین دەربارەی وی پێنەگەهشتینە و ئەو بەرپرسیارەتیا دەولەتێ یە و پێتڤی یە ل رەوشا وی ئاگەهدار بکەن.
ئاماژە ب وێ یەکێ ژی کریە، دەستهەلاتدارێن تورکیا چ پێزانینان نادەنێ دەربارەی عەبدولا ئوجەلان و دەما برێیا پارێزەران ژی داخازا دیدار و پێزانینا دکەن، چ بەرسڤ نەداینێ.
هەڤدەم، هەر ئەڤرۆ، نڤیسینگەها یاسایی پارێزەرێن سەدە، لسەر وی دەنگوی ل شەڤا دەربازبووی ل سەر رەوشا ساخلەمیا عەبدولا ئوجەلان بەلاڤنەکریە، داخازیا دیدارا بلەز پێشکێشی داواکارێ گشتیێ بورسا کر.
عەبدولا ئۆجەلان؛ کو بەرنیاسە ب ئاپۆ، ئێکە ژ دامەزرێنەرێن پارتا کرێکارێن کوردستانێ و ل سالا ١٩٩٩ێ ژ ئالیێ تورکیاڤە دەستەسەرکریە و نێزیکی ٢١ سالە د زیندانا وی وەلاتی دایە.
هـ.ر