فۆتۆ:
2019-05-24
834 جار خوێندراوەتەوە
بسەدەما وێ بارانبارین و لەهیێن دوو حەفتینە چەندین پارێزگەهێن ئیرانێ ڤەگرتین، ٢٤ کەسان جانێ خۆ ژ دەستدانە.
موجتبا خالیدی پەیڤدارێ فەرمانگەها ڕەوشا ئاوارتە ل ئیرانێ د ڕاگەهاندنەکێ دا دیارکر، بسەدەما وێ بارانا بگۆڕ و باهۆزا کو ل ڕۆژا ٨ گۆلانێ ١٨ پارێزگەهێن ئیرانێ ڤەگرتین، ٢٤ کەسان جانێ خۆ ژ دەستدانە و ٥٥ێ دی ژی برینداربوونە.
هەڤدەم مورتەزا سەلیم ڕێڤەبەرێ بەشێ ڕزگارکرن و هەوارهاتنا هەیڤا سوور یا ئیرانی ژی زەلالکر، کو بەردەوامن لسەر گەهاندنا هەڤکاریێ بۆ ٨٣ باژار و گوندان کو کەفتنە بن باندۆریا ڕەوشا دژوارا سەقای و هەیا نها ژی هەڤکاری گەهاندنە زێدەتری دوو هزار وەلاتیان.
ئەڤە ژی دەمەکێ دایە، دوو حەفتینە پێلەکا بارانبارینێ چەندین پارێزگەهێن ئیرانێ ڤەگرتیە و زرارێن جانی و ماددی لێ پەیدابوونە.
س.م