فۆتۆ: ئێن ئاڕ تی
2019-05-17
1098 جار خوێندراوەتەوە
ئەڤرۆ بئاوایەکێ نەچاڤرێکرى ئیرانێ داخوازا گۆتۆبێژان دگەل ویلایەتێن هەڤگرتى یێن ئەمریکا کر.
دەربارەى وی چەندێ حیشمەتولا فەلاحەت سەرۆکێ لیژنەیا ئاسایشا نەتەوەى ل پەرلەمانێ ئیرانی، د هەژمارا خۆ یا تایبەت د تورا جڤاکیا تویتەرى دا، ئەڤرۆ ڕۆژا ئەینى ١٧ێ گۆلانا ٢٠١٩ێ داخوازا سازکرنا گۆتۆبێژەکێ دگەل ویلایەتێن هەڤگرتیێن ئەمریکا کر.
ئەو لیپسراوێ بلند یێ ئیرانێ داخوازکر، گۆتۆبێژێن د ناڤبەرا ئیران و ئەمریکایێ ل عێراقێ یان قەتەرێ برێڤەبچن، بۆ داوى هاتن ب ئالوزیێن دناڤبەرا هەردوو ئالیان دا.
حیشمەتولاى دازانین، ئالیێ سیێ هەیە لەزاتیا دەستپیکرنا شەرێ د ناڤبەرا تەهران و واشنتۆن دا.
ئەڤە ژى د دەمەێ دایە، ڕۆژنامەیا نیۆرک تایمز بەلاڤکر، دونالبد ترەمپ سەرۆکێ ئەمریکا و وەزیرێ بەرەڤانیا ولاتێ خۆ یێ ب وەکالەت ئاگەهدارکریە، کو ئەو ناخوازن شەرى دگەل ئیرانێ بکەن.
ڕۆژنامەیێ ئەڤرۆ ڕۆژا ئەینى ١٧ێ گۆلانا ٢٠١٩ێ بەلاڤکر، دونالد ترەمپ سەرۆکێ ویلایەتێن هەڤگرتی یێن ئەمریکایێ د جڤینا ڕۆژا چارشەمبی یا بوورى دا، نامەیەک پیشکێشى هاریکارێن خۆ کر، تێدا دیارکربوو کو ناخوازیت گڤاشتنێن دژوار یێن ئەمریکایێ بۆ سەر ئیرانێ ببیتە شەر و هەڤرکیەکا ڤەکرى.
م.ن
