فۆتۆ:
2019-05-09
872 جار خوێندراوەتەوە
هێزێن رەژیما سوریایێ، باکور و رۆژئاڤایێ حەلەبێ کو هیزێن حەیەت تەحریر ئەلشام تێدا بجهـ بوونە تۆپباران کر و روسیایێ ژی گەف ل چەکدارێن گرێدایی تورکیایێ کر.
ئاژانسا هاوار نیوز دیار کر، هێزێن رەژیمێ ب درێژاهیا شەڤا دەرباسبوویی بارەگەهێن چەکدارێن حەیەت ئەلتەحریر یێن گرێدایی حکومەتا تورکیایێ، ل ناڤچەیا کەفەر حەمرا ل باکورێ حەلەبێ و هەژمارەک ناڤچەیێن رۆژئاڤایێ حەلەبێ تۆپباران کریە.
ژ ئالیەکی دن ڤە دوهی ٨ێ گولانا ٢٠١٩ێ سێرگی لاڤرۆڤ وەزیرێ دەرڤەیێ روسیایێ پشتی جڤینا خوە د گەل محەمەد جەواد زەریف وەزیرێ دەرڤەیێ ئیرانێ ب توندی هێرشی سەر چەکدارێن گرێدایی تورکیایێ کر و دازانین چەکدارێن جەبهەت ئەلنوسرا ب ناڤێ حەیەت ئەلتەحریر ئەلشام خوە ب رێکخستن کرنە و پارێزگەها ئیدلبێ ژ خوە کرنە بارەگەهـ.
لاڤرۆڤ دازانین، وان چەکداران نە تەنێ ئیدلب کۆنترۆل کرنە، بەلکو هێرشی بارەگەهێن هێزێن حکومەتا سوریایێ ژی دکن و ب تایبەت چەند رۆژ بەرێ هێرشی بارەگەها حمێمان کو هێزێن روسیایێ لێنە کربوون.
لاڤرۆڤ بالکشاندە سەر رێکەتنا وەلاتێ خوە و ئەمریکا ل سوریایێ و دەستنیشانکر کو ئەمریکا و روسیا ل سەر بداویئانینا تیرۆرێ گەهەشتنە رێکەتنێ و سەربازێن هەردوو ئالیان ژی هەول ددن خالێن رێکەتنێ بجهـ بینن.
هـ.ج