فۆتۆ:
2019-05-08
826 جار خوێندراوەتەوە
بەرپرسەکێ بلندێ ئەمریکایێ راگەهاند، زانیاریێن ئیستخباراتی هاتنە بەر دەستێ وان کو هێزێن ئیرانێ پلان دکن هێرشی هێزێن ئەمریکا ل عێراقێ بکەن و ژ بەر وێ یەکێ پنتاگۆنێ هێزەکا زێدەتر بۆ ناڤچەیێ شاندیە.
مالپەرا سی ئێن ئێن یا ئەمریکی ژ زارێ چەند بەرپرسێن ئەمریکایێ بالکشاندە سەر مەترسیا پەڤچوونان د ناڤبەرا هێزێن ئەمریکا و هیزێن ئیرانێ دا ل عێراقێ.
هەژمارەک بەرپرسێن ئەمریکایێ ژ بۆ وێ ماڵپەرێ دایەزانین، زانیاریێن هوور و باوەپێکری کەتنە دەستێ وان کو هێزێن ئیران و گرۆپێن چەکدار یێن نێزیکی وی وەلاتی ل چەند ناڤچەیێن عێراقێ دخوازن هێرشان ل هەمبەر هێزێن ئەمریکی پێک بینن.
بەرپرسێن ئەمریکایێ دەستنیشانکرن کو زانیاریێن هوور بوونە سەدەم کو پنتاگۆن کەشتیەکا فرۆکەهەڵگر بۆ بەرئاڤێن ئیرانێ بشینە.
دوهی مایک پۆمپییۆ دابووزانین، ئەمریکا هێڤی دکە ئیران ل سەر لیدانا بەرژەوەندیێن ئەمریکایێ دوو جاران بهزرە و دیار کر، شیانێن ئیستخباراتی یێن ئەمریکایێ ژ وێ یەکێ بهیزترن کو ئیران هیرشەکا ژنشکڤە بۆ سەر هێزێن ئەمریکایێ پێک بینە.
هـ.ج