فۆتۆ:
2019-05-08
795 جار خوێندراوەتەوە
سەرۆکێ پارتیا گەل یا کۆماری راگەهاند، بۆ جارا دووەمین ئەکرەم ئیمامئۆغلۆ بۆ سەرۆکێ شارەداریا ئیستەنبۆلێ هاتیە بەربژارکرن.
رۆژا سێشمەبیێ کەمال کلچدارئۆغلۆ سەرۆکێ پارتیا گەل یا کۆماری ل ئەنقەرێ دیار کر، بۆ جارا دووەمین ئەکرەم ئیمامئۆغلۆ بۆ سەرۆکێ شارەداریا ئیستەنبۆلێ هاتیە بەربژارکرن و ئیمامئۆغلۆ نە تەنێ بەربژارێ وان بەلکو یێ ١٦ ملیۆن وەلاتیێن ئیستەنبۆلێ یە.
کلچدارئۆغلۆ کۆمسیۆنا بلندا هەلبژارتنان ژی ب تووندی رەخنە کر و دیار کر فەرمانێن دەستهەلاتێ جیبجی دکن و گۆت:"ئاریشە نە تەنێ پرسا شارەداریا ئیستەنبۆلێ یە بەلکو ئاریشەیا دیموکراسی، ئەخلاق و ویژدانێ یە.
پشتی داخوازا پارتیا داد و گەشەپێدان "ئاکەپێ" سازیا بلندا هەلبژارتنێن تورکیایێ بریارا هەلوەشاندن و دووبارەکرنا ئەنجامێن هەلبژارتنێن شارەداریان ل ئیستەنبۆلێ دا و ٢٣ێ حەزیرانێ ژی وەکی رۆژا دووبارەکرنا هەلبژارتنێن شارەداریان ل ئیستەنبۆلێ دیار کر.
د هەلبژارتنێن ٣١ێ ئادارا ئیساڵ دا ل باژارێ ئیستەنبۆلێ ئەکرەم ئیمامئۆغلۆ بەربژارێ پارتیا گەل یا کۆماری چار ملیۆن و ١٥٩ هەزار و ٦٥٠ دەنگ واتە ٤٨.٨٠% ژ دەنگان ب دەست ئینا و وەکی شارەدارێ ئیستەنبۆلێ هاتە دیارکرن. ل هەمبەر دا بینالی یڵدرم بەربژارێ پارتیا داد و گەشەپێدان چار ملیۆن و ١٣٠ هەزار و ١٩٠ دەنگ واتە ٤٨.٤٨% ژ دەنگان ب دەست ئینا.
هـ.ج