فۆتۆ:
2019-05-07
775 جار خوێندراوەتەوە
هەژمارەک ژ بەرپرسێن بلندێن یەکێتیا ئەورۆپایێ نەرازیبوون نیشانی دووبارەکرنا هەلبژارتنێن شارەداریێ ل باژارێ ئیستەنبۆلا تورکیایێ دان و ریپۆرتەرا یەکێتیا ئەورۆپایێ ژی دازانین، ئەردۆغان تێکچوونێ قەبۆل ناکە و ل دژی ئیرادەیا گەلێ تورکیایێ یە.
دەربارێ وێ مژارێ کاتی پیری ریپۆرتەرا پارلەمانا ئەورۆپایێ یا دەربارێ تورکیایێ د تویتەکێ دا دازانین، ئەردۆغان تێکچوونێ قەبۆل ناکە و ل دژی ئیرادەیا گەلە و گۆت:" ئاکەپێ بۆ دووبارەکرنا هەلبژارتنان فشارەک زێدە ل کۆمسیۆنا هەلبژارتنان کر و ئەو رەوش ژی دیار دکە کو باوەریا ئەردۆغان و ئاکەپێ ب هەلبژارتنان نینە.
پەیڤدارێ سکرتێرێ گشتیێ پارلەمانا ئەورۆپایێ ژی دیار کر بریارا کۆمسیۆنا هەلبژارتنان زیان و زرارێ ددە باوەریا هەلبژارتنان.
فێدریکا مۆگارینی نونەرا بلندا کارێ دەرڤە و سیاسەتا ئەولەهیێ یا پارلەمانا ئەورۆپایێ ژی دازانین، پێکئینانا هەلبژارتنێن شەفاف و ئازاد، ژ بۆ پەیوەندیێن تورکیا و یەکێتیا ئەورۆپایێ گرنگن و پێدڤیە هەژمارەکا زێدە یا چاڤدێرێن ناڤدەولەتی هەلبژارتنێن ئیستەنبۆلێ بشۆپینن.
پشتی داخوازا پارتیا داد و گەشەپێدان "ئاکەپێ" سازیا بلندا هەلبژارتنێن تورکیایێ بریارا هەلوەشاندن و دووبارەکرنا ئەنجامێن هەلبژارتنێن شارەداریان ل ئیستەنبۆلێ دا و ٢٣ێ حەزیرانێ ژی وەکی رۆژا دووبارەکرنا هەلبژارتنێن شارەداریان ل ئیستەنبۆلێ دیار کر.
د هەلبژارتنێن ٣١ێ ئادارا ئیساڵ دا ل باژارێ ئیستەنبۆلێ ئەکرەم ئیمامئۆغلۆ بەربژارێ پارتیا گەل یا کۆماری چار ملیۆن و ١٥٩ هەزار و ٦٥٠ دەنگ واتە ٤٨.٨٠% ژ دەنگان ب دەست ئینا و وەکی شارەدارێ ئیستەنبۆلێ هاتە دیارکرن. ل هەمبەر دا بینالی یڵدرم بەربژارێ پارتیا داد و گەشەپێدان چار ملیۆن و ١٣٠ هەزار و ١٩٠ دەنگ واتە ٤٨.٤٨% ژ دەنگان ب دەست ئینا.
هـ.ج