فۆتۆ:
2019-05-03
728 جار خوێندراوەتەوە
ئینسیاتیفا رۆژنامەڤانێن ئازاد یا تورکیایێ راگەهاند، ئازادیا رۆژنامەڤانیێ ل وەلاتێ وان هاتیە سنوردارکرن و نها ١٦٦ رۆژنامەڤان د زیندانان دانە.
ئینسیاتیفا رۆژنامەڤانێن ئازاد یا تورکیایێ د کۆنفرانسەکا رۆژنامەڤانی دا بالکشاندە سەر رەوشا رۆژنامەگەریێ ل تورکیایێ و حکومەتا وی وەلاتی ژ بەر سنوردارکرنا ئازادیا رۆژنامەڤانیێ تۆمەتبار کر.
ئینسیاتیفێ دەستنیشانکر کو ژ هێلا ئازادیا رۆژنامەگەریێ دا ژ کۆما ١٨٠ وەلاتێن جیهانێ تورکیا د رێزا ١٥٦مین دایە و ئەو یەک نیشانەیا وێ یەکێ یە کو ئازادیا رۆژنامەگەریێ سنوردارە.
ئینسیاتیفا رۆژنامەڤانێن ئازاد یا تورکیایێ هەروەسا ئامارا بنپێکرنا مافێ رۆژنامەڤانان ل تورکیایێ د چار مەهێن ئەڤسالە دا ژی ئاشکرا کر و دازانین، ئەڤسالە ٢١٩ رۆژنامەڤان هاتنە دادگەهکرن، ١٥ رۆژنامەڤان هاتنە گرتن و سزایێ پارە ل ٢٦ رۆژنامەڤانان هاتیە بڕین و رۆژنامەڤانەک ژی هاتیە دیپۆرتکرن.
هـ.ج