دیمەنێن زرارێن لەهیا ل ئیرانێ
فۆتۆ:
2019-03-29
870 جار خوێندراوەتەوە
جێگرێ دەزگەهێ هەوارهاتنا ولاتێ ئیرانێ ڕاگەهاند، هەژمارا کەسێن کو د لەهیێن چەند ڕۆژێن دەربازبوویی دا جانێ خۆ ژ دەستداین بۆ ٤٤ کەسان بلندبوویە.
حەمید ڕەزا خانکی جێگرێ دەزگەهێ هەوارهاتنا ولاتێ ئیرانێ ڕاگەهاند، هەیا نها ٤٤ کەسان بسەدەما لەهیان جانێ خۆ ژ دەستدانە، ل پارێزگەها فارس ژی زۆرترین حالەت هەبوونە، کو جان ژ دەستدانا ٢١ کەسانە.
هەڤدەم ل باژارێن کوردی، ل پارێزگەها کرماشان کەسەکێ جانێ خۆ ژ دەستدایە، ژبەر چێکرنا ڕێک و پرا داخواز هاتیە کرن کو د نها دا وەلاتی گەشتان نەکەن بۆ پارێزگەهێن، كرماشان، لوڕستان، كوردستان، ئیلام و بویر ئه‌حمه‌د.
د دەما ١٠ ڕۆژێن دەربازبوویی دا ب ڕێژەیەکا زێدە ل چەند پارێزگەهێن ئیرانێ لەهی دروستبوون، زێدەباری جان ژ دەستدان و برینداربوونا دەهان کەسان، هەڤدەم بوو سەدەما تێکدانا ڕێکان و ژ ناڤبرنا هەژمارەکا زێدە یا پران، بنئاڤبوونا سەدان خانی و تڕۆمبێلێن وەلاتیان، هەژمارەکا زێدەیا وەلاتیان ب وێ سەدمێ ل وان پارێزگەهان ئاوارە بوون.
س.م
