دیمەنێن هەلدانا گۆڕان ل باژارێ ڕەقایێ
فۆتۆ: ئاژانسێن نووچەیی
2019-03-28
931 جار خوێندراوەتەوە
ل گوندێ فەخیخەیێ سەر ب باژارێ ڕەقەیا سوریایێ، پشتی کو ژ ئالیێ هێزێن سوریایا دیموکرات ڤە هاتە ڕزگارکرن، ٨ گۆڕێن ب کۆم تێدا هاتنە دیتن.
میدیایێن ڕۆژئاڤایێ کوردستانێ بەلاڤکرن، تیمێن سەر ب جڤاتا سڤیل یا ڕەقەیێ، کو گۆڕان هەلددەن، ٣٠٤ تەرم ل گوندێ فەخیخە د گۆڕەکێ ب کۆم دا دەرخستنە، کو پڕانیا وان ژن و زارۆکن.
یاسر خەمیس بەرپرسێ تیمان ڕاگەهاند، ژ ٩ێ چلەیێ ڤە ل وی جهی کاردکەن و ژ وی دەمی ڤە هەیا نها ٣٠٤ تەرم دەرخستنە.
ناڤبری گوت ژی، پشتی کو ئەو تەرم دهێنە دەستنیشانکرن، دێ ڕادەستی مالباتێن وان کەن.
ئەڤە ژی دەمەکێدایە، پشتی کۆنترۆلکرنا دەڤەرێن بن دەستێ داعشێ، دەهان گۆڕێن ب کۆم هاتنە دیتن، کو پڕانیا وان خەلکێ سڤیل و ژن و زارۆکن.
س.م