فۆتۆ:
2019-03-13
1071 جار خوێندراوەتەوە
میدیایێن رۆژئاڤایی کوردستانێ راگەهاند، نێزیکی ٥٠٠ چەکدارێن بیانی یێن داعشێ خوە رادەستی هێزێن هەسەدێ کرن.
ل گۆری زانیاریێن میدیایان، د ناڤا چەکدارێن بیانی یێن داعشێ دا خەلکێ روسیا، دەولەتێن ئاسیایێ، باکورێ ئەفریقا ، سعودیە و مسرێ هەنە.
ژ دوهی و هەیا نها شەرەکێ دژوار ل گوندێ باغۆزێ ل سوریایێ د ناڤبەرا هێزێن سوریایا دیموکراتیک و چەکدارێن داعشێ دا بەردەوام دکە.
شەرڤانێن هەسەدێ ل گوندێ باغۆزێ یێ ناڤچەیا حەجینا دێرازۆرێ دەست ب ئۆپەراسیۆنا داویێ کرن و هەیا نها ژی شەرێ ناڤبەرا شەرڤانان و چەکدارێن داعشێ کو خوە رادەست نەکرن بەردەوام دکە.
ل گۆری میدیایێن رۆژئاڤایێ کوردستانێ چەکدارێن داعشێ ب تەمامی ژ ناڤ گوند هاتنە دەرخستن و د ناڤ کامپەکێ دا هاتنە دۆرپێچکرن و ئاسێ مانە.
چاڤ ل رێنە کو د دەمەک کێم دا باغۆز ژی ب تەمامی وەرە کۆنترۆلکرن و سەرکەفتنا شەرڤانان ب سەر داعشێ دا ب تەمامی بێتە راگەهاندن.
هـ.ج