فۆتۆ:
2019-03-12
726 جار خوێندراوەتەوە
شەر و پەڤچوونێن ناڤبەرا هێزێن سوریایا دیموکراتیک و چەکدارێن داعشێ ل ناڤچەیا باغۆزا سوریایێ بەردەوامن و شەرڤانێن هەسەدێ زێدەتر پێشکەتنە.
مستەفا بالی پەیڤدارێ هەسەدێ دازانین، ل چەند ناڤچەیان پەڤچوونێن گران و راستەراست د ناڤبەرا هێزێن هەسەدێ و چەکدارێن داعشێ دا قەومینە و بالافرێن هەڤپەیمانان ژی ب بەردەوامی چەپەرێن داعشێ بۆمبەباران دکن.
بالی دیار کر، هێزێن وان دەست ب سەر جەبلخانەیەکا چەکدارێن داعشێ دا گرتنە، لێ شەرێ گران و بۆمبێن چاندیرێ ل بەر پێشکەتنێن شەرڤانان دگرن.
هەڤدەم بەرپرسەکێ ئەمریکایێ دازانین، ل گۆری زانیاریێن وان بەرپرسێن داعشێ ل باغۆزێ نەمانە و بەر ب ناڤچەیێن دن رەڤیانە.
چەند رۆژ بەرێ هەسەدێ دەست ب ئۆپەراسیۆنا کۆنترۆلکرنا باغۆزێ کر کو ناڤچەیا هەری داویا د دەستێ داعشێ دایە وب هەزاران سڤیل ژی ژ بۆ ناڤچەیێن ئارام هاتن ڤەگوهاستن و ب هەزاران چەکدارێن داعشێ ژی خوە رادەستی شەرڤانان کرن.
هـ.ج