فۆتۆ:
2019-02-20
708 جار خوێندراوەتەوە
بوسەینە شەعبانی شیورمەندێ بەشار ئەسەد سەرۆکێ سوریایێ ب توندی خوەرێڤەبەریا کوردێن رۆژئاڤایێ کوردستانێ رەتکر.
شیورمەندێ سەرۆکێ سوریایێ د چارچۆڤەیا کۆنگرەیا رۆژهەلاتا ناڤین دا ل مۆسکۆیێ راگەهاند، خوەرێڤەبەری واتە پارچەکرنا سوریایێ و پارچەکرنا وەلات ژی نایێ قەبۆل کرن.
هەروەسا گۆت:" سوریا وەلاتەکێ خوەدی یاسا و دەستوورە و کوردێن رۆژئاڤایێ کوردستانێ ژی بەشەکێ گرنگ ژ گەلێ سوریایێ نە".
داخویانیا شیورمەندێ بەشار ئەسەد سەرۆکێ سوریایێ د دەمەکی دایە کو خوەسەریا دیمۆکراتیک یا رۆژئاڤایێ کوردستانێ نەخشەرێیەک بۆ کریزا سوریایێ پێشکێشی مۆسکۆیێ کربوو و قەبۆلکرنا ئیدارەیا سەربخوە یا باکورێ سوریایێ د ناڤا پێشنیاران دا بوو.
هـ.ج