مەزلۆم کۆبانی فەرماندارێ گشتیێ هەسەدێ
فۆتۆ:
2019-02-19
736 جار خوێندراوەتەوە
فەرماندارێ گشتیێ هێزێن سوریایا دیموکراتیک راگەهاند، ب ئارمانجا ئالیکاری و لهەمبەردەرکەتنا داعشێ، دخوازن ١٥٠٠ سەربازێن هەڤپەیمانان ل سوریایێ بمینن.
مەزلۆم کۆبانی فەرماندارێ گشتیێ هەسەدێ پشتی کو د گەل جۆزێف ڤۆتێل فەرماندارێ گشتیێ هێزێن ئەمریکا ل رۆژهەلاتا ناڤین جڤیا، دیار کر، هێڤی دکن ئەمریکا دەست ژ پلانا ڤەکشاندنا تەڤاهیا هێزێن خوە ل سوریایێ بەردە.
هەروەسا دازانین، ب ئارمانجا ئالیکاری و لهەمبەردەرکەتنا داعشێ، دخوازن ١٥٠٠ سەربازێن هەڤپەیمانان ل سوریایێ بمینن.
کۆبانی دەستنیشانکر، گۆتوبێژ ل سەر بەلاڤکرنا هێزێن فەرەنسی و بەریتانی بۆ پشتەڤانیا سوریایا دیموکراتیک ل سوریایێ هەیە لێ هەسەدە دخوازە بەشەک ژ هێزا ئەمریکایێ کو نها هەژمارا وان دوو هەزار کەسن ل سوریایێ بمینن.
دەربارێ سۆزا ترەمپ بۆ پاراستنا هەسەدێ مەزلۆم کۆبانی گۆت:" هێڤی دکن ترەمپ ل سەر سۆزا خوە بە".
جۆزێف ڤۆتێل فەرماندارێ گشتیێ هێزێن ئەمریکا ل رۆژهەلاتا ناڤین ژی پشتی جڤینێ دازانین، نها بریارا ڤەکشاندنا هێزێن ئەمریکایێ وەک خوە تێ جیبجیکرن، و چ پلانەک ژ بۆ پۆشمانبوونێ نینە.
ڤۆتێل گۆت:" ئەو دزانن دخوازن چ بکەن و هێژ ژی بریارا سەرۆکێ ئەمریکایێ بۆ ڤەکشاندنا هێزێن ئەمریکی، د پلانا وان دایە".
دوهی ئالدار خەلیل بەرپرسێ پەیوەندیێن دیپلۆماسی یێن تەڤگەرا جڤاکا دیموکراتیک تەڤدەمێ داخواز ژ دەولەتێن ئەورۆپایێ کر، پشتی شەرێ داعشێ دەست ژ کوردێن رۆژئاڤایێ کوردستانێ بەرنەدن و ل هەمبەر گەفێن تورکیایێ هێزێن باکورێ سوریایێ بپارێزن.
١٩ێ کانونا ٢٠١٨ێ دۆناڵد ترەم بریارا ڤەکشاندنا هێزێن ئەمریکایێ ژ سوریایێ دا و ئەو یەک ژی بوو سەدەما نەرازیبوونا هێزێن ناڤخوە و دەرڤەیێ سوریایێ.
هـ.ج