فۆتۆ:
2019-02-19
787 جار خوێندراوەتەوە
وەزیرێ ناڤخوەیێ سویدێ راگەهاند، پێدڤیە چەکدارێن داعشێ ل جهێ کو هاتنە گرتن، بێن دادگەهکرن و رێ ب ڤەگەرا وان نەیێ دایین.
میکائیل دامباری وەزیرێ ناڤخوەیا سویدێ راگەهاند، حکومەتا وان ب چ ئاوایەکی رێ ب ڤەگەرا وەلاتیێن سویدێ کو بەشداری د رێزێن داعشێ دا کرنە و ل سوریایێ هاتنە گرتن، نادن.
دەربارێ ڤەگەرا چەندارێن داعشێ بۆ سویدێ، دامباری دازانین، هەڤکاریا وان د گەل دەزگەهێن ئیستخباراتی یا وەلاتێن دن دا هەیە و دەما دیار بوو کو وان کەسان بەشداری د کریارێن تیرۆریستی دا کریە، دێ بێن دادگەهکرن.
ژ ئالیەکی دن ڤە مارگۆت ڤالسترۆیم وەزیرێ دەرڤەیێ سویدێ دیار کر، د سالا ٢٠١١ێ دا وەزارەتا وان ئاگەهداریەک بەلاڤ کربوو کو وەلاتیێن سویدێ سەردانا سوریایێ نەکن و کەسێن کو زێدەباری ئاگەهداریان سەردانا سوریایێ کرنە، بلا ل بەندا ئالیکاریان نەبن.
١٦ێ سباتا ٢٠١٩ێ دۆنالد ترەمپ سەرۆکێ ئەمریکایێ داخواز ژ وەلاتێن ئەورۆپایێ کر، چەکدارێن داعشێ کو ٨٠٠ ژ وان ب ڕەگەز ئەورۆپی نە د دەستێ هێزێن هەسەدێ دانە و ئەگەر ڤەنەگەرن وەلاتێن خوە، نەچارن وان ئازاد بکەن.
هـ.ج