فۆتۆ:
2019-04-17
913 جار خوێندراوەتەوە
کۆمپانیایا"Geely" یا چینی راگەهاند، کۆمپانیایا وان دەست ب چێکرنا ترومبێلەکا نوو کریە کو دێ ببە یەک ژ ترومبێلێن کارەبی یا هەری جوودا ل جیهانێ.
ناڤێ ترومبێلا نوو "Geometry" ـە و شێوەیا چێکرنا وێ وەکی ترومبێلا " ڤۆڵڤۆ" یا جورێ ئێسە کو د ڤان سالێن داویێ دا پێشنیار هاتیە کرن، تایەیێن وەرزشی تێدا بێن بکارئینان.
جهێ پێنج کەسان د ناڤ ترومبێلێ دا هەیە، هەموو دەرگەهێن وێ ب دەستلێدانێ (لەمس) کار دکن. د بەشا ناڤ ترومبێلێ دا دوو ئەکران "شاشە" هەنە. یەک ژ وان مەزنە و قەبارەیا وێ ١٣ ئینجە و د ناڤەراستا ترومبێلێ دا هاتیە چێکرن. یا دی ژی بچووکە و راستەراست ل پێشیا شوفێرە.
تایبەتمەندیەکا دی یا ترومبێلێ ئەڤە کو دووریا ناڤبەرا خوە و ترومبێلێن دن دیار دکە و خوە ژ بوویەرێن هاتنوچوونێ دپارێزە. بەرنامەیەکا ئەلکترونی د ناڤ ترومبێلێ دا هەیە کو رەوشا تەکنیکی و هونەریا هەموو بەشێن ترومبێلێ نیشان ددە. رێژەیا هەوایێ ناڤ تایەیان، ئاستێ ئاڤ و ڕۆن و سیستەمێ برێکێ نیشان ددە.
ترومبێلا "Geometry" یا کارەبێ خوەدی مەکینەیەکێ یە کو شیانێت وێ ١٩٦ هەسپن. هەروەسا دکارە د ناڤ کێمتر ژ چار چرکەیان دا، لەزاتیا خوە ژ سفر بۆ ١٠٠ کیلۆمەتران بلند بکە. پاتریا وێ مەزنە کو دکارە ب یەک پاتریێ دەما ٤١٠ کیلۆمەتران ببڕە.
هـ.ج
