فۆتۆ:
2021-06-20
426 جار خوێندراوەتەوە
گەلەک ژ خانمان ژبەرکو بەردەوام ل دویڤ وێ چەندێ دا دگەرهن ب جوانترین ئاوا خۆ نیشان بدەن پەنایێ دبەنە بەر مکیاجکرنێ و بوویە بەشەک ژ ژیانا وان کو نەشێن و چ دەرکەفتنان ب کێمی ژى دەست ژێ بەردەن.
ڕۆپەلا برایت ساید د بابەتەکى دا بەحسا وان کاریگەریان دکەت یێن کو لسەر خانمان دروست دبیت دەما دەست ژ مکیاجێ بەردەن و بڕیارێ ددەن سادە دەرکەڤن کو دێ چەند کاریگەرى هەبیت هەتا کو لسەر رەوشا دەروونى و کەسایەتیا وان ژى.
دەما تو دەست ژ مکیاجکرنێ بەرددەى ڕەنگە ئەڤ تشتە روویبدەن:
ئێک: دەما تو بڕیارێ ددەى ب دێمێ خۆ یێ سادە دەرکەڤى و دەست ژ مکیاجکرنێ بەردەی دێ کەسایەتیەکا بهێزتر بۆ تە دروست بیت.
دوو: دێ بەرهنگاربوونا پیستێ دێمێ تە زێدەتر بیت بۆ تیشکێن UV کو ژ هەتاڤێ دهێنە ڤەگۆهاستن، ل شوینا بکارئینانا مکیاجا دشێى دژە هەتاڤێ یا گونجایی بکاربینى.
سێ: دێ گەنجتر دەرکەڤی بێى کو تو زێدە بزاڤان بۆ بکەیی، ڤەکولینەک بەحسا وێیەکێ دکەت کو خانمێن گەنج ب تەمەنتر دەردکەڤن بسەدەما وێیەکێ کو پتر مکیاجێ دکەن بەراورد ب خانمێن ناڤنجى.
چار: دێ ئازادتر سەرەدەریێ کەى و هەردەم هزرا تە ل هندێ نابیت مکیاجا تە تێکبچیت.
پێنج: دەمکا ب دێمێ خۆ یێ سادە دەرکەڤى وەک کەسەکێ دەردکەڤى کو تو پتر حەزژ سەرەدەریا دگەل هەڤالان دکەی.
شەش: ب دەم و پارەیەکێ کێمتر دشێى پتر گرنگیێ ب پیستێ خۆ بدەى و هەردەم پاقژ ڕابگرى، چۆنکى دەما مکیاجێ بکاردئینى دێ تە پێدڤى ب پاقژکەرەکا تایبەت هەبیت بۆ ژێڤەکرنا وێ مکیاجێ.
د.ش