ئەرێ لینکێ تۆیوتا و کۆکاکۆلایێ هاکبوون؟

فۆتۆ: 

382 جار خوێندراوەتەوە

ڕۆپەلا تەکنەلۆژیا بۆ پاراستنا سلامەتیا جیهانا ئەلیکترۆنی هایداری دا د ڤەکرنا لینکێ "سندوقا چاڤدێریا کۆکاکۆلایێ"دا کو ب رێکا تۆڕێن جڤاکی بەلاڤبوویە و ئەو کەسێن تۆڕێن جڤاکی بکار دئینن بۆ ئێکودوو فرێدکەن.

ڕۆپەلا تەکنەلۆژیا بۆ پاراستنا سلامەتیا جیهانا ئەلیکترۆنی د ڕاگەهاندنەکێ دا ئاماژە ب وێیەکێ کر، د چەند دەمژمێرێن دەربازبووی دا ب رێکا WhatsApp و messenger و ل تۆڕێن دی ب رەنگەکێ بەرچاڤ لینکێ "سندوقا چاڤدێریا کۆکاکۆلایێ" ژ ئالیێ وان کەسێن تۆڕێن جڤاکی بکاردئینن بۆ ئێکودوو فرێدکەن، لێ ل دەمێ پشکنینا وی لینکی ژ ئالیێ ڕۆپەلا Virus Total ڤە دیاربوویە ئەو لینکە هێرشە لسەر وان کەسێن تۆڕێن جڤاکی بکاردئینن.

ئەو ڕۆپەلە داخازێ ژ وان کەسان دکەت یێن تۆڕێن جڤاکی بکاردئینن، پشکداریێ نەکەن د فرێکرنا وی لینکی دا و ب چ رەنگەکی نەڤەکەن، چونکی گومان دهێتەکرن هاککەر ب مەرەما ب دەستکەفتنا زانیاریێن تاکە کەسی بکاربینن، ب ڤێ ژی زەرەرەکا مەزن دێ گەهیتە وان کەسان یێن تۆڕێن جڤاکی بکاردئینن.

ئەوژی دیارکر، ئەو لینکە د سالیادا بیست سالیا "کۆکاکۆلا"یێدا بەلاڤبوویە و تێدا هاتیە هەر کەسەکێ پشکداریا ڤێ ڕاپرسیێ بکەت دبیت دیاریەکێ وەرگریت.

ئەڤە د دەمەکی دایە، بەریا نها ل سالیادا ٨٠ سالیا دامەزراندنا کۆمپانیا "تیۆتایێ"دا ب رێکا WhatsAppی لینکەکێ ڕاپرسیێ بەلاڤبوو ە تێدا داخاز ژ وەلاتیان کربوو ئەو بخۆ بەرسڤا پرسیاران بدەن و پشتی وێیەکێ وی لینکی بۆ ٥٠ هەڤالێن خۆ فرێکەت، لێ دەما ڕۆپەلا "Virus Total" دیڤداچوون بۆ کری دەرکەفت ئەو لینکە هاککرنە و مەترسیێ لسەر وان کەسان دروستدکەت یێن کو بکاردئینن.