فۆتۆ:
2021-06-02
777 جار خوێندراوەتەوە
خانما هونەرمەندا لوبنانى نانسى عەجرەم، بۆ جارەکادی توهمەتا دزینا ئاواز و سترانێن هونەرمەندێن دى ئێخستە سەر.
ل گورەیی نۆچەیەکێ مالپەرێ عەین ئەو خانما هونەرمەند ژ ئالیێ بەشەک ژ رۆژنامەڤانێن وەلاتێ خۆ ڤە هێرشکریە سەر کو ئاوازا سترانا "حبک بیقوی" دزیە، کو ئاوازا ئێک ژ ستراننێن هونەرمەند محەمەد مەجزوبە.
ل تۆڕێن جڤاکى هەردوو ستران بەلافکرینە و ئاماژە ب وێ چەندێ کریە، وەکهەڤیەکا زۆر دناڤبەرا وان هەردوو سترانان دا هەیە، لێ هەیا نها محەمەد مەجزوب ب فەرمى چ لێدوان دەربارەیی ڤێ چەندێ نەدایە.
جهێ ئاماژەپێدانێ یە ژبەریا نها ژى نانسى عەجرەم ب دزینا ئاوازا ئێک ژ سترانێن هونەرمەندێ قەتەرى فەهد کەبیسى توهمەتبار کربوو، کو سترانا "خراب بیوت" کو نانسیێ ل سالا ٢٠١٧ بەلاڤکربوو دسترانا "بعید الشر" وەکى یا فەهدى یە.
دهەمان دەمدا و ل سالا ٢٠١٩ رۆنى داود هونەرمەندێ عێراقى نانسى عەجرەم ب دزینا ناڤێ ئێک ژ سترانێن خۆ توهمەتیارکر کو ناڤێ سترانا نانسیێ "قلبى یا قلبى"، ڕۆنی پێنج مەهان ژبەرى نانسیێ سترانا خۆ بەلاڤکربوو.
نانسى عەجرەم ژدایکبوویا ١٦ ی گۆلانا ١٩٨٣ ێ یە، ل لوبنان ژدایکبوویە و ژ خێزانەکا مەسیحیە، ژ زارۆکینیێ مژویلى کارێ هونەریە و دووجاران خەلاتێ موزیکا جیهانى وەرگرتیە، ژبلى کارێ هونەرى د چەندین بەرنامەیێن تەلەفزیۆنیدا بەژداریکربوو، هەڤژینى دگەل نوژدارەکى کریە ب ناڤێ فادى هیشام و دەیکا سێ کچایە.
د.ش