فۆتۆ:
2021-05-30
293 جار خوێندراوەتەوە
میدیایێن بەریتانیا بەلاڤکریە، یۆرریس جۆنسۆن سەرۆک وەزیرێن وی وەلاتی رۆژا شەمبی، ب نهێنی ژیانا هەڤژینیێ دگەل هەڤالا خۆیا زارۆکینیێ یا کاری بناڤێ سیمۆندز پێکئینایە.
رۆژنامەیێن مەیل ئۆن سەندەی و زە سەن-ى بەریتانی ئاشکەراكر، بۆریس جۆنسۆنی دژیێ ٥٦ سالیێ دا هەڤژینی دگەل سیمۆندزا تەمەن ٣٣ سالی پێکئینایە، د شەهیانا واندا بتنێ كەسێن نزیكی وان پشکداربووینە.
رۆژنامەیان ئەوژی ئاشکەراکر، د شەهیانا هەڤژینیێ یا جۆنسۆن سەرۆك وەزیرێن بەریتانیا دا نزیكی ٣٠ كەسان ئاماددە بوون، بسەدەما خۆپاراستن ژ ڤایرۆسێ كۆرۆنایێ.
دەما چەند مەهایە جۆنسۆن و سیمۆندز چاڤەرێی بوون شەهیانا خۆ بکەن، لێ بسەدەما بەلاڤبوونا ڤایرۆسێ کۆڕۆنایێ شەهینا خۆ پاشداخستبوو.
جۆنسۆن بەریا نها دوو جاران ژیانا هەڤژینیێ پێکئینایە، چار زارۆک ژ مارینا ویلەری هەڤژینا وی یا بەرێ هەبوون، كو کارێ وێ پارێزەر بوو و ل تشرینا ئێکێ یا سالا ٢٠١٨ێ ژ ئێک جۆدابوون.
دەما جۆنسۆن ل سالا ٢٠١٩ێ وەک سەرۆک وەزیرێن بەریتانیا هاتیە هەلبژارتن، ئێکەم سەرۆک بوو وی پۆستی وەربگریت و خۆدان خێزان نەبیت.
م.م
