فۆتۆ:
2021-05-14
175 جار خوێندراوەتەوە
ئاهەنگا هەڤژینیێ دەما دهێتە سازکرن، کو کوڕ و کچەکێ دڤێت ژیانەکا نوی پێکڤە دەستپێبکەن، تێدا ئاهەنگەکێ ب هەلکەفتا دەستپێکا ژیانەکا نوی ئەنجامددەن، لێ ئەڤ ئاهەنگە، دناڤبەرا وەلاتان دا، کلتورێن وان د جیاوازن و ل جهەکی بۆ جهەکێ دی دهێتە گۆهرین.
فلیپین
ل گورەی داب و نەریتێن هەڤژینیێ ل فلیپین، دوو هەڤژین د ئاهەنگا هەڤژینیێ دا، دوو کوترێن سپی ئازاد دکەن وەکی هێمایەکێ بۆ هەڤژینیەکا سەرکەفتی.
ڤەنزوێلا
د نەریتا هەڤژینیێ دا ل ڤەنزوێلا، هەڤژین ژ ناڤ ئاهەنگێ دڕەڤن بێی راوەستیان یان بهێنە راوەستاندن، ئەڤە ژی وەکی ئاماژەیەکێ یە بۆ بەختەکێ باش بۆ دوو هەڤژینان و هەروەسا بۆ وان مێهڤانێن کو د ناڤ ئاهەنگێ دا.
یۆنان
د چارچۆڤێ ئاهەنگا هەڤژینیێ دا ل نەریتا یۆنانێ دا، بیک ڕادبیت ب تراشینا رهێن زاڤای و هەروەسا مالبات و هەڤالێن وێ ژی هاریکاریا وێ دکەن ل کرنەبەرا جل و بەرگان دا.
ئیتالیا
د کلتورێ ئیتالیا دا، ئامادەبوویی د ئاهەنگا هەڤژینیێ دا، ڕادبن ب هاڤێتنا شرینیا بسەر بیک و زاڤا دا، وەکی ئاماژەیەک بۆ هیڤی خاستن ب بەختێ باش و ساخلەمیەکا باش و بەختەوەریێ د ژیانێ دا، ئەڤ نەریتە ژی دیرۆکا وێ بۆ سەردەمێ رۆمانیێن کەڤن ڤەدگەریت.
هندستان
د نەریتا هەڤژینیێ دا ل هندستانێ، کچێن مالباتا بیکێ، ڕادبن ب دزینا پێلاڤێن زاڤا و ڤەشارتنا وان، پشتی زاڤا بزاڤا دیتنێ دکەت و دبینیت، وی دەمی ب رێکا گۆتوبێژان پێلاڤێن وی بۆ ڤەدگەرینن.
هند و پاکستان
د نەریتەکا هەڤژینیێ یا هەڤبەشدا ل هندستانێ و پاکستانێ، زاڤا سەرێ خۆ دادپوشیت وەکی هێمایەک بۆ پاراستنێ ژ کەسێن حەسید.
چین
ئاهەنگا هەڤژینیێ ل چینێ، رەنگێ سور تەڤایا ئاهەنگێ دادپۆشیت، هەردوو هەڤژین جلێن سور دادپوشن و چەترا سور هەلددەن وەکی ئاماژەیەک بۆ بەختی و خوشتڤیاتیێ و سامانی.
نەیجیریا
د نەریتا هەڤژینیێ دا ل نەیجیریا، مێهڤان پارا دکەنە جل و بەرگێن بیک و زاڤای، بەری بچنە سەر ستەیجا شەهیانێ، ئەڤە ژی وەکی هێمایەک بۆ هندێ کو مێهڤان هیڤیا ژیانەکا بەختەوەر بۆ دوو هەڤژینا دخازن.
