فۆتۆ:
2021-04-26
459 جار خوێندراوەتەوە
ماست ئێکە ژوان خارنێن کو پزیشکێن بسپۆر درژدن ل سەر مفایێن وێ یێن ساخلەمیێ، ب ئێک ژ باشترین خارنا دهێتە دانان ل مەها رەمەزانێ دا ب تایبەتی ل خارنا پاشیڤێ دا.
دکتور کامەران رەسۆل ژاژالەی بسپۆرێ زانستێ خارنێ گرنگی یا خارنا مساتی ل مەها رەمەزانێ دا بەرچاڤکر، کو بریتینە ژ:
-ژێدەرەکێ باشە بۆ پرۆتین، هەستێ برسیبوونێ کێم دکەت ل دەما ب رۆژیبوونێ دا.
-رێژەکا باش ژ ڤیتامینا یێن تێدا وەکی ڤیتامین(B) و D)) دگەل کانزایێن وەکی کالسیۆم و پۆتاسیوم و مەگنسیوم.
-زەنگینە ب ماددەیێ پرۆتینان، کو بریتیە ژ بەکتریایێن مفابەخش د لەشی دا کو کارێ کۆئەندامێ هەرسێ رێکدئێخن، پشتی زکچوون یان وەرگرتنا ئەنتی بایوتیکان ژمارا بەکتریایێن مفابەخش کێمدکەت و ژناڤدچن.
-بۆ خۆپاراستن ژ نەرمبوونا ئێسک و کلۆربوونا ددانا.
-کێمکرنا ئەگەرا تووشبوون ب شێرپەنجا قۆلۆنێ.
-ماستێ بێ چەوری هاریکاریا دابەزینا کۆلیسترۆلا خراب و فشارا خوینێ ددەت.
-ماستێ بێ چەوری رێگریێ دکەت ل زێدەبوونا کێش و قەلەویا زک و هاریکاریا دابەزینا کێشێ ددەت.
-بهێزکرنا کۆئەندامێ بەرگریا لەشی دگەل ئاسانکرنا هەلمژینا هندەک ڤیتامین و کانزایان د ریخۆلادا.
-ماستێ بێ چەوری خارنەکا باشە بۆ وان کەسێن هەستیاری ب شیری هەی یان ئەو کەسێن هەوکرنا کۆلۆنێ هەی.
-ئێکە ژ باشترین خارنا بۆ ژنێن دووگیان کو ب رۆژینە ب مەرجەکێ ماست ژ شیرێ بێ چەوری یان کێم چەوری بیت.
-هاریکاریا رێککرنا خەوێ ددەت.
-هاریکاریا چێبوونا قورحە و هەوکرنا گەدە و دوانزدەگرێ ددەت ب مەرجەکێ ئەو ماست ژ شیرێ بێ چەوری یان کێم چەوری بیت.
هـ.ر