فۆتۆ:
2021-04-14
144 جار خوێندراوەتەوە
وەزارەتا ساخلەمیا عێراقێ چەند رێنمایێن پزیشکی بۆ مەها رەمەزانێ بەلاڤکرن تایبەت بو وان کەسێن پەستان بلندی یا خوینێ هەی ژ پێخەمەت کۆنتۆلکرنا نەخۆشیان.
ل گورەی رێنمایان، پێتڤیە ئەو کەسێن ئاریشا پەستان بلندیا خوینێ هەی پشتی ئەنجامدانا نڤێژا تەراویحا حەبێن خۆ بخوت، ژبەرکو پێتڤی یە ل دەما رۆژی شکاندنێ تا پشتی نڤێژا تەراویحا رێژەکا پێتڤی یا ئاڤێ ڤەخوت.
هەروەسا دبێژیت، ئەگەر کەسەک رۆژەکێ ژبیرکر حەبێن خۆ بخوت، پێتڤی ناکەت رۆژا داهاتی دوو جارا هند حەبا بخوت، بەلکی پێتڤیە رێکبێخیت و بتنێ دەرمانێ وێ رۆژێ بخوت.
هەڤدەم، پێتڤیە دناڤبەرا دەما رۆژی شکاندنێ تا پشتی تەراویحا شەربەتا سروشتی و شلەمەنیا زۆر بخوت تا رێژەکا باشا شلەمەنیا بۆ جەستە ڤەگەریت. لێ دڤێت ب چ ئاوایەکێ شەربەتا گیراو و خارنێن گازی نەخوت.
هەر ل گورەی رێنمایان، پێتڤیە ئەو کەسێن بەردەوام و ل دەما خارنێ دا زەرزەوات و فێقی زور بخون و بکەنە خارنا سەرەکی یا خۆ. هەڤدەم ژ خارنا سیر و چەوری دیربکەڤن.
ل داویا رێنمایان هاتیە، هەر دەما هەست ب نەرحەتیێ، گێژبوونێ یان سەرئێشێ کر، پێتڤیە سەرەدانا پزیشکێ بسپۆر بکەت و رۆژانە بەردەوام پەستانا خینێ پێ بپیڤن.
هـ.ر