فۆتۆ:
2021-04-03
339 جار خوێندراوەتەوە
پشتى کرستیانۆ رۆنالدۆى یاریا دگەل هەلبژارتیێ سربیا ئەنجامدای نەرازیبوونا خۆ ل سەر بڕیارەکا دادڤانێ یاریێ نیشاندای و نیشانا خۆ یا کاپتنیێ هاڤێتیە ئەردی، نیشانا وی ب ٦٤ هزار یۆرۆیان هاتە فرۆتن و ئەو کوژمێ پارەی بۆ چارەسەریا زارۆیەکێ نەخۆش هاتنە تەرخانکرن.
ڤۆکیسیڤیچ کارمەندەکێ تیمێن ئاگرڤەمراندنێ یە ل وێ یاریگەهێ ئامادەببوو یاکو یاریا دناڤبەرا پۆرتۆگال و سربیا دا دهاتە ئەنجامدان، پشتی کرستیانۆ رۆنالدۆی نەرازیبوونا خۆ ل سەر بریارا دادڤانی یا نەهەژمارکرنا گۆلا سەرکەفتنا هەلبژارتیێ وی ل خۆلەکێن دویماهیا یاریێ نیشانا كاپتنیا خۆ هاڤێتیە ئەردی، ئەوی کارمەندی نیشان راکر و ئەڤرۆ د زێـدەکرنەکا ئەشکەرادا ب ٦٤ هزار یۆرۆیان هاتە فرۆتن.
ڤۆکیسیڤیچ ژ فرۆشتنا وێ نیشانێ ئارمانجا خۆ دیارکر و گۆت، "کو دێ ئەو کوژمێ پارەی بۆ چارەسەریا زارۆیەکی ب ناڤێ ديوردييفيتش دژیێ شەش مەهیێ دایە هێنە مەزاختن کو توشی نەخۆشیەکا کێم وێنە بوویە".