فۆتۆ:
2021-03-28
412 جار خوێندراوەتەوە
ئێک ژ نیشانێن توشبوون ب کۆرۆنایێ بریتیە ژ دەستدانا هەستێ بێهنکرنێ و ل گورەی ئامارەکێ ژی کو ل مەها ئیلۆنا ٢٠٢٠ێ بەلاڤکری، ٧٧% ئەو کەسێن توشی کۆرۆنایێ بوون و چێبووینەڤە بۆ دەما چەند مەهان هەستێ بێهنکرنا خۆ ژ دەستددەن. ئەرێ چارەسەری چیە؟
رۆژناما نیویۆرک تایمز بەلاڤکریە، پزیشک ئاموژگاریا وان کەسان دکەن کو ژ ئەگەرێ کۆرۆنایێ هەستێ بێهنکرنێ ژ دەستدایە، ب مەبەستا ڤەگەریانا وی هەستی، رۆژانە دووجارا بێهنا گۆلێن ناڤ مالێ یان هەر بێهنەکا دیا بهێز بکەن.
جیرۆم ئار لیچن بسپورێ دفن و قورگ و گوهـ ل نەخۆشخانا زانکۆیا برۆکسل و ئێک ژ تیمێن ئامادەکاری وێ ڤەکولینێ ڕاگەهاندیە، پێتڤیە ئەو کەسێن توشی کۆرۆنایی بوون و هەستێ بێهنکرنێ ژدەستدای، رۆژانە دووجارا راهێنانا بێهنکرنێ ئەنجامبدەن.
بەشەک ژ نەخۆشان پشتی دەمەکێ بێهنا وان تشتان دکەن کو بەری توشبوونێ ب کۆرۆنایێ بێهنکریێ، لێ ل پشتی توشبوونێ دهێتە گوهڕین بۆ بێهنەکا نەخۆش.
پزیشک ڤێ دیاردێ ب باروسمیا بناڤدبەن و دبێژن، هەر کەسێ ئەڤ هەستەت بۆ ڤەبگەریت ئانکو دشێت بێهنبکەت، ب ئەنجامدانا راهێنانا بێهنکرنا بهێز دووجارا د روژەکێ دا دێ هاریکاریا وی کەت هەستێ بێهنکرنێ بو بزڤریت.
هەڤدەم، تۆماس هامیل ڤەکولەر و بسپور ل قورگ و دفن و گوهـ ل زانکویا تەکنەلوژیا ل دریسن ل ئەلمانیا ئاماژە ب وێ چەندێ کریە، پێتڤیە بۆ ڤەگەریانا هەستێ بێهنکرنێ تا دەما ئێک سال راهێنانا بێهنکرنێ ئەنجامبدەت.
ئەڤە ددەمەکیدایە، تا نها راهێنان و پرۆگرامەکێ زانستی نە هاتیە دیارکرن بۆی ئەنجامدانا راهێنانا بێهنکرنێ، لێ پزیشک پێشنیار دکەن پێتڤیە ل نێزیک سیستەمی نڤستنێ و جهێ رینشتنێ بێهنا بهێز هەبیت و نەخۆش بۆ هەر جارەکێ ٢٠ چرکەیا بێهنبکەت و بۆ دەما ئێک خولەک بەردەوامبیت.
هـ.ر