فۆتۆ:
2021-03-22
314 جار خوێندراوەتەوە
تیشکا ڕۆژێ دبیتە ئەگەرێ زێدەبوونا میلانینا پیستی یان رەش بوون و تۆخبوونا پیستی و ئەڤە د ٢٤ دەمژمێرێن ئێکێ دا دگەل ڤێکەفتنا ڕۆژێ دروست دبیت پشتی ٧٢ دەمژمێرا هێدی هێدی رەنگێ وێ بەردەوام دبیت، بەردەوامیا ڤێکەفتنا تیشکا ڕۆژێ دبیتە سەدەما دروست بوونا شێرپەنجا پیستی.
ڕوپەلا فەرمیا رێڤەبەریا گشتی یا ساخلەمیا سلێمانیێ ئاماژە ب وێیەکێ کریە، د.سایە سامی سابر نوژدارا پلە بلند یا نەخوشیێن پیستی د داخویانیەکێدا بۆسایتێ "ساخلەمیێ" گوتی: پێتڤیە هوین هەمی دژە ڕۆژێ بکاربینن بۆ خو پاراستن ژ تیشکا ڕۆژێ و کاریگەریێن لسەر پیستی، ب تایبەت بۆ ئەوێن پیستێ دێمێ وان رادبیت.
د روونکرنەکێدا گوت: تیشکا ڕۆژێ دبیتە سەدەما پیربوونێ و قورمچینا پیستی، هەروەسا سوڕبوون و گوهرینا رەنگێ پیستی و تەنکبوون و لاوازبوونا دەمارێن خوینێ و هندەک جاران نە جوان بوون ژی رویددەت.
گوتژی، ئەو کەسێن زێدەتریا دەمان ل بەر ڕۆژێنە مەترسیا توشبوونێ هەیە ب شێرپەنجا پیستی، ب تایبەت ئەوێن مژویلی چاندنێ، پێتڤیە ئەڤان رێنمایان بجهبینن:
- بەردەوام بکارئینانا مەلهەمێن بدژی ڕۆژێ.
- خوپاراستن ژ ڕۆژێ خو ئەگەر مەلهەمێن بدژی ڕۆژێ ژی بکاربینن.
- بکارئینانا جلێن هچک درێژ و راپێچای ژ بوو سلامەتیا پیستی.