فۆتۆ:
2021-03-09
373 جار خوێندراوەتەوە
خارنگەهەکا تونسی یا تایبەت ب خارنێن ئیتالی گرانترین پیتزا ل ئەفریقا دروستکر کو ب بهایێ (٣٦٠) دولارێن ئەمریکینە.
سەدەمێ گرانیا بهایێ ڤێ پیتزایێ بۆ وێیەکێ ڤەدگەریت ب هندەک پارچێن تەنکێن زێری یێن کو بۆ خارنێ دروستن هاتیە خەملاندن.
دامەزرێنەرێ وێ خارنگەهێ احمد هرقال، ئارەزویا وی شکاندنا هەژمارا پیڤاییە بۆ گرانترین پیتزا ل ئەفریقیا.
دبێژیت بۆ گەهشتنا ئارمانجا خۆ ، وی نە تنێ پارچێن تەنکێن زێرێ عیار ٢٤ بکارئینایە، لێ وی روونێ دومبەلانێ و پەنیرێ موتزارێلا، سینگێ قازێ یێ بژارتی کرینە د پێکاهاتەیێن پیتزایا خۆدا.
دامەزرێنەرێ خارنگەهێ"مە دروستکرنا ڤێ پیتزایێ هەلبژارتیە بۆ وێیەکێ کو ئەم هندەک کەرستە و پێکهاتەیێن بها گران و کوالتیەکا بلند یا خارنێ دروست بکەین و لدەمێ مە ئەڤ کارە ئەنجامدای بهایێ وێ بلند بوو".
پشتی ل توڕێن جڤاکی هەژمارەکا رەخنەیان بۆ حۆدانێ ڤێ هزرێ هاتین وی بەرسڤدا و دیارکر، "گەلەک کەس هەنە بەروڤاژی د دروستکرنا ڤێ پیتزایێ گەهشتن، دبێژن چەوا تۆ پیتزایەکا بڤی رەنگێ بها گران دروست دکەی و تۆ د وەلاتەکیدا دژی د قەیرانەکا دارایدا دەرباز دبیت؟ ئەڤ پیتزایە نەبۆ هەمی کەسایە ئەو تنێ بۆان کەسایە یێن ژ دەرڤەی وەلاتێ دهێن یانژی بۆ وان تونسیایە یێن حەسدکەن ڤان خارنێن بها گران بخۆن، هندەک کەس هەنە گەشتان دکەن بۆێیەکێ خارنێن بها گران بخۆن ژبەر رەوۆشا کۆرۆنایێ د نهادا ئەو نەشێن گەشتێن خۆ ئەنجام بدەن ژبەرڤێ یەکێ مە ئەڤ پیتزایە ل تونسێ بۆ وان دروستکریە".
تونس وەلاتەکێ عەرەبیە دکەڤیتە باکورێ کیشوەرێ ئەفریقیا.
ژێدەر"رویترز"
هـ.إ
