فۆتۆ:
2021-01-23
421 جار خوێندراوەتەوە
هندەک ژ وان خوارن و ڤەخوارنێن د تێشتان دا دهێنە خوارن ساخلەم نینە، ژبەر کو باندۆریا ڕاستەڕاست لسەر مەعیدەیێ و ڕیڤیکان هەیە، هەر شاشیەک ژی د هەلبژارتنا خوارنان دا زرارێن ساخلەمیێ هەنە.
ڕوسیا تودەی د بابەتەکێ ساخلەمیێ دا ئەو خوارنە نیشاندانە کو خوارنا وان د تێشتا سپێدەهیا دا و ب ڤالاهیا مەعیدێ زرارێن ساخلەمیێ دگەهینن، ئەو ژی ئەڤەنە:
- ئەو خوارنێن کو ترشاتی تێدانە
ڤەخوارنا شەربەتا پرتەقالا فرێش ل سپێدەهیان مفا هەیە، لێ لگۆڕی زانایان ژبەر کو گەلەک ترشا ئەمینی تێدایە باندۆریەکا نەرێنی لسەر مەعیدەیێ دروست دکەت، باشترە پشتی نان خوارنێ بهێتە ڤەخوارن.
- شریناهی
پێدڤیە ل نانخوارنا سپێدەهیان خۆ ژ شریناهیان دوور بکەی و نابیت ب مەعیدەیێ ڤالا بخوی، ژبەر کو زرارێ ب پەنکریاسێ دگەهینیت.
- قەهوە
باشرە پشتی تێشتا سپێدەهیان بهێتە ڤەخوارن، ڤەخوارنا وێ ب مەعیدەیا ڤالا سەدەمە بۆ ئیلتیهابا مەعیدێ و دلتێکهەلبوونێ، مەترسیە ژی بۆ سەر مێلاکێ.
- مۆز
باشترین دەم بۆ خوارنا مۆزێ پشتی فراڤینێ یە، خوارنا مۆزێ ل سپێدەهیان کردارا حەلاندنێ لاواز دکەت.
- خیار و کەسکاتی
نابیت ب مەعیدەیا ڤالا بهێنە خوارن ژبەر کو ئازارێ دگەهینە مەعیدێ.