فۆتۆ:
2020-11-25
419 جار خوێندراوەتەوە
میدیایێن جیهانی بەڵاڤکریە، دیگۆ ئەرماندۆ مەرادۆنا یاریزانێ ب ناڤوبانگێ دیرۆکا تۆپا پێی و ئەرجەنتین د تەمەنێ ٦٠ ساڵیێ دا ب جەڵتەیا دڵی ژیانا خۆ ژ دەستدا
ژیان ژ دەستدانا مارادۆنا پشتی دوو حەفتیان دهێت ب نەشتەرگەرییەکا مێشکی، کو توشی خوینبەربوونا ناڤخۆ ببوو.
لگۆری میدیایان، مارادۆنا ل ماڵا خۆدا ل باژارێ تیگرێ ل نێزیک بۆینس ئایرسا پایتەختێ ئەرجەنتینێ ژیانا خۆ ژ دەستدا.
ب ڤێ هەلکەفتێ، وڵاتێ ئەرجەنتینێ بۆ دەما سێ رۆژان ماتەمینا گشتیی راگەهاندیە.
مارادۆنا کییە؟
مارادۆنا ناڤێ وی یێ درست دیێگۆ ئەرماندۆ مارادۆنایە و ل ٣٠ـێ جۆتمەها ١٩٦٠ ل لانۆس، بۆینس ئایرس ل وڵاتێ ئەرجەنتینێ ل دایکبوویە، ئەو یاریزانێ تۆپا پێی ئەرجەنتینییە، ب یەک ژ یاریزانان دهێتە دانان کو زۆرترین کاریگەری ھەبوویە د دیرۆکا تۆپا پێیدا، بەشەکا زۆر ژ وەرزش دۆستان، وی یاریزانی ب باشترین یاریزانێ تۆپا پێی د دیرۆکێ دا ل جیھانێدا دزانن.
درێژیا مارادۆنا ١٦٥ سەنتیم بوویە و یاری ل ھێڵێن ناڤەڕاست و ھێرشبرنێ دا کریە، ناڤبری یەک ژ باشتری یاریزانێ جیھانا وی سەردەمێ خۆ یاری کریە، مارادۆنا یاری بۆ ھەڵبژاردەیێن تۆپا پێی ل ئەرجەتین و یانەیێن ئەرجەنتینۆس جۆینەر و بۆکا جۆنیوز و بارسێلۆنا و ناپۆلی و سیڤیلا و نیو ئیل ئۆڵد بۆیس کریە. داوی دەمێ یاریکرنا وی ژی ل یانەیا بۆکا جۆنیوزا ئەرجەنتینێ بوو..
ل ساڵا ١٩٨٦دا، مارادۆنا و هەڤالێن وی ل تیما نیشتیمانیا ئەرجەنتینێ جاما جیهانیا وێ ساڵێ ب دەستڤە ئیانا.