فۆتۆ:
2020-11-21
322 جار خوێندراوەتەوە
ل ئەڵمانیا ب ئامانجا پەرەپێدانا مێشکەکێ زیرەك و پێشکەفتی ، زانایان د بزاڤەکا نوی دا جینا مرۆڤان بۆ مێشکێ زارۆیەکێ مەیمونێ زێدەکر.
میدیایێن ئەڵمانیا بەڵاڤکریە، زانایان ل پەیمانگەها ماکس پلانکی یا وڵاتێ وان بۆ زیندەزانیا خانە و زانستێ بۆدەمی ب هەڤبەندی دگەڵ سەنتەرێ ژاپۆنی بۆ تاقیکرنا ئاژەڵان، کۆپییەکا جینا مرۆڤان بۆ مێشکێ زارۆیەکی ناڤ مالبچیکا مەیمونێ زێدەکریە ب مەبەستا گەشەکرنا مێشکەکێ زیرەکتر.
ئاماژە ب وێ یەکێ ژی کر، ڤەکۆلەرێن هەمان جینا (ARHGAP11B) بکارئینایە و بەرپرسە ل گەشەکرن و پەرەپێدانا زیرەکیێ.
هەڤدەم، مایکڵ هاید سەرۆکێ تیما وێ ڤەکۆلینێ ڕاگەهاندیە، "مە تێبینیکرد بەشێ دوماهیا مێشکی (مێشکێ بچیك) کو بەرپرسە ل کردارا قسەکرنێ، بیرکرنێ، داخوازا لڤینێ و چەند کارەکێن گرنگ تر بەرەڤ مەزن بوونێ چونە".
ئەو زارۆیێ مەیمونێ هێشتا ل دایکنەبوویە و بڕیارە پشتی ژ دایکبوونێ ب تەمامی بۆ زانایێن پەمانگەها ماکس پلانک دەربکەڤیت کو ئایا ڤەگوهاستنا جینێن مرۆڤ بۆ دبیتە ئەگەرێ زیرەکیەکا زێدەتر یان نە.
غ.ت