فۆتۆ:
2020-11-20
1070 جار خوێندراوەتەوە
نەخۆشیا شەکرێ ب بکوژا هێدێ بەرنیاسە، دەمەکێ دەم درێژ دڤێت هەیا کو گەشەیێ بکەت، بێێ وێ یەکێ کو چ نیشانەیێن دیارهەبن، هەر ژبەر وێ یەکێ یە کو پێدڤیە بلەزترین دەم ئەو نەخۆشی بهێتە دەستنیشانکرن.
ژ دیارترین نیشانەیان ئەڤەنە:
ئاریشە دیتنێ دا - دەمێ هەست ب لاوازیا دیتنێ و نەشیانا خاندنا هندەک دەقان دکەیت، ئەو یەک ژی نیشانا وێ یەکێ یە کو گوهڕین ب سەدەما بلندبوونا تەمەنی دروست بوویە، یان نەخۆشیا شەکرێ، ژ بەر کو ئاریشەیا دیتنێ نیشانەیەکا بەربلاڤە بۆ تێکچوونا سیستما خۆراکی، کو پشکەکا زێدە یا خەلکێ پشتگوێ هاڤێتیە.
هەست ب خورینێ ژ هندەک جهێن هەستیار – گەلەگ جاران ژ وان جهێن هەستیار وەک نێر و مێ ستیربوون یان ئیلتیهاب کرن چێ دبیت، ئەو یەک ژی سەدەمە کو ب ئاوایەکێ بلەز پشکنین بۆ خوینێ بهێتە کرن، ژ بەر کو وان جهان جهێن هەستیارن بۆ زێدەبوونا نەخۆشیێ، ب تایبەت د زەلامان دا، ئەوێن کو ڕێژەیا شەکرێ د خوینا وان دا بلندە، ب واتەیا وێ یەکێ ئەو خورین نیشانەیا توشبوون ب نەخۆشیا شەکرێ یە بۆ هەر دوو ڕەگەزان ژی وەک یەکە.
ژ دەستدانا بهیستنێ – دروستبوونا ئاریشەیێ د بهیستنێ دا، نیشانا بلندبوونا ڕێژەیا شەکرێ یە د خوینێ دا، ژبەر کو باندۆریێ دکەتە سەر دەمارخانێن گوهی، ئەو یەک ژی ئاریشەیێ بۆ ناسینا دەنگان دروست دکەت، ژ بەر کو پێدڤیە بلەزترین دەم سەرەدانا نە نوژداری بهێتە کرن هەیا کو بزانیت توشی نەخۆشیا شەکری بوویە یان نە.
پشتگوێ هاڤێتن – نەخوازین ب ئاوایەکێ دەملدەست بۆ جێبجێکرنا کاری یان ئەرکێن خۆ، گەلەک کەس د وێ باوەریێ دانە چ نیشانە بۆ نەخۆشیا نەکرێ نینە، لێ دەمێ مرۆڤ پشتی هەشت دەمژمێران ژ نڤستنێ هەست ب ماندیبوونێ دکەت، پێدڤیە سەرەدانا نوژداری بکەت ب مەرەما کرنا شیکاریێن پێدڤی هەیا کو بزانیت توشی نەخۆشیا شەکرێ نەبوویە.
هەستکرن ب وێ یەکێ کو وەسا دزانیت دەرزیێ دکەنە لەشێ وی دا – نەخۆشیا شەکرێ زرەرێ ب دەمارێن لەشێ مرۆڤی دگەهینیت و باندۆری لسەر سوڕا خوینێ هەیە، ئەڤەژی یەکە ژ نیشانەیێن توشبوون ب نەخۆشیا شەکرێ، کو گەلەک کەس نزانن و پشتگوێ دهاڤێن.