فۆتۆ:
2020-11-16
527 جار خوێندراوەتەوە
د موزایدەیەکا ئاشکرا دا ب رێیا ئۆنلاینێ وەلاتیەکێ چینی کۆترەکا بەلجیکی ب بهایێ ١.٦ ملیۆن یۆرۆیان کو دکەتە ١.٩ ملیۆن دۆلار کڕی.
نیکۆلاس گیسلبرێخت خودانێ دامەزراندنا کۆمپانیا "بیبا ـ کۆترا بەهەشت" بۆ ئاژانسا فرانس پریس ڕاگەهاند، بهایێ وێ کۆترێ ل جیهانێ ریکۆردا شکاندی، گۆتژی، "دەستپێکێ باوەری بهندێ نەدکر کو ب وی بهای بهێتە فرۆتن."
ناڤێ وێ کۆترێ نیو کیمە ب ڕامانا "کۆترا نوی" یە تەمەنێ وێ دوو سالە و ل دەستپێکێ ب بهایێ ٢٠٠ یۆرۆیان خستبوو موزایدێ، کەسێن دەولەمەند و خودانێن کۆتران پشکداری تێداکر، ل دوماهیا موزایدێ "نیو کیم" فرۆتە بکرەکێ چینی بێی کو ناڤێ وی ئاشکرابکەت.
پێشتر، هەمان کۆتر ل فرەنسا ل سالا ٢٠١٨ ێ پشکداری پێشبرکیەکێ کریە و سەرکەفتی یە.
ئاماژە ب وێیەکێ ژی کر، دەولەمەندێن رۆژهەلاتا ئاسیا و دەڤەرا کەنداڤی سەرسورهێنەرێن وان بالندانە کو دکارن ب سەدان کیلۆمەتران ببڕن و پاشان بێی کو بەرزە ببن بهێنە جهێ خۆ.
غ.ت