ڤیدیۆ.. شانەیا ستێنگەکا بکوژ هاتە دیتن کو ٢٠٠ شاهژن ل خۆ گرتنە

فۆتۆ: 

581 جار خوێندراوەتەوە

زانایێن ئەمریکا بۆ یەکمجار ل مەها ئادارا ئەڤسالە دوو ستێنگێن بکوژ ل ئەمریکا ڤەدیتن کو ل ئاسیا چووینە وی ولاتی و هەر زوو هاتنە ژناڤبرن، لێ د نها دا شانەیەکا وی جۆرێ ستێنگێ هاتیە ڤەدیتن کو ٢٠٠ شاهژن ل خۆ گرتنە.

زانایان ڕاگەهاندنە، د دەمەکێ گونجایی دا گەهشتینە وی جهی و ئەو شانە دیتیە و دبێژن، "پێدڤیە هەموو ئەو جۆرێن ستێنگان ژناڤبچن".

دیارکرنە ژی، کو ئەڤ جۆرێ ستێنگێ بتنێ نکاریت مرۆڤەکێ بکوژیت، لێ ئێشانا پێڤەدانا وێ گەلەک زۆرە و ئەڤ ستێنگە هێرشی سەر مێشان دکەن و ژناڤ دبەن.

هەڤدەم، لگۆری ژێدەرێن ولاتێ ژاپۆنێ، "سالانە ٣٠ بۆ ٥٠ کەس بسەدەما پێڤەدانا وی جۆرێ ستێنگێ ژیانا خۆ ژدەست ددەن".

شەهرەزایێن بیاڤێ چاندنێ ل ئەمریکا ژی بەحسا وێ یەکێ کرینە، ئەو جۆرێ ستێنگێ زەرەرا ب بهایێ ملیاران دۆلاران ل ئەمریکا ددەت و ژینگەهێ ژی پیس دکەن، هەروەسا دبنە سەدەما ژناڤچوونا بەربوومێن چاندنیێ.

ئەگەر تە بڤێت ئەڤ ستێنگە ب شێوازێ 3D بهێتە د ناڤ مالاتە دا و قەبارێ وێ ببینی ڤان پێنگاڤان جیبجیبکە:

یەکەم: د جهێ لێگەڕیانێ دا ل گوگڵی بڤیسە "murder hornet".

دوویەم: دێ هەلبژارتنەکێ بینی کو نڤیسیە "see an Asian giant hornet at larger than life size" کلیک بکە، دیڤدا کلیکێ لسەر وی بەشی بکە کو نڤیسیە "view in 3D" و دێ ستێنگێ د ناڤ مالا خۆ دا بینی.

س.م