فۆتۆ:
2020-11-05
545 جار خوێندراوەتەوە
د ژیانا رۆژانە دا چەندین پرسیار دروست دبن دبیت بەرسڤا هندەکان نەزانى، ئەم دێ د ڤى بابەتى دا بەرسڤا چەند پرسیارەکان دەین.
سەدەما چرچبوونا سەر پێستى چیە؟
ئەم زێدە جاران ب سەدەما سەرمایێ یان حالەتێن سوزداریێ ئەڤ نیشانە ل سەر پێستى دیار دبن، ئەو ژى ب سەدەما دەردانا هۆرمۆنا ئادرنالین بچووک بۆنا جهێ موویان دروست دبیت.
بۆچى کۆمێن بالندەیان لسەر شێوازێ پیتا V دفرن؟
ب دوو سەدەمان، یەکەم هێزێ خەزن دکەن و کێمترین هێزێ خەرج دکەن، بالندەیێن پێشیێ پێلێن تایبەت د هەواى دا دروست دکەن و بالندەیێن دى پێلێ وەردگرن و کێمتر هێزا خۆ سەرف دکەن، دوویەم ئەڤ شێوازە هاریکاریا بالندەیان دکەت بەردەوام چاڤێ وان ل رێبەرێ وان بیت ل پێشیا داکو لدیف فەرمانین وى بکەڤن.
بۆچى بۆ تێستا خوینێ دڤێت ل تبلا حەلاقێ خوینێ وەرگرن؟
تبلا بچووک و تبلا مورێ راستەوخۆ ب هەستیێ مەچکەیێ ڤە گرێداینە ، هەر جورە ئێشەک د ڤى هەستى دا رووبدەت دێ گەهیتە دەستى ، ژ ئالیەکێ دى تبلا حەلاقێ کێمترین ئێشان یا تێدا.
