فۆتۆ:
2020-10-22
599 جار خوێندراوەتەوە
سەدەما زوو توشبوون ب نەخۆشیێن ڤایرۆسی و زوو سارێژنەبوونا برینان ژبەر کێمبوونا ڤیتامین (دی)یە د لەشی دا.
ساخلەمیا گشتی و دەستەیا خزمەتگوزاریا ساخلەمییا نیشتیمانی ل بەریتانیا هانا خەلکی ددەن ڕۆژانە بڕێ ١٠ مایکرۆگراما وان خوارنان بخۆن کو ڤیتامین دی تێدایە، ب مەرەما بهێزبوونا سیستەمێ بەڕەڤانیا لەشی و دووربوون ژ نەخۆشیێن ڤەگوهاستی.
ڕۆژنامەیا زەسەنا بەریتانی بەحسا کۆمەکا نیشانانکریە د لەشی دا کو ئاماژەنە بۆ کێمیا ڤیتامین (دی)، ئەو ژی ئەڤەنە:
١. هەبوونا ئێشێ (ئازارێ) د بەشێن جودایێن لەشی دا بێ هەبوونا سەدەمەکا دیارکری.
٢. هەستکرن ب خوریانا حەفکێ و هەبوونا کۆخکێ و ئیلتیهابا کۆئەندامێ هەناسەیێ، ژ نیشانەیێن کێمبوونا وێ ڤیتامینێنە د لەشی دا.
٣. خاڤبوونا ماسولکەیان و زوو شکەستنا هەستیکان.
٤. ماندیبوونا بەردەوام بێ ئەنجامدانا کارێن گران.
٥. خەمگینیا بەردەوام زێدەتری کەسێن ب تەمەن، دگەل هەستکرن ب بەرتەسکیێ و بێزاریێ.
٦. درەنگ خۆ لێکدانا برینان (سارێژبوون) و جهێن شەوتی و دەقێن شینبووی.
٧. ئازارا ماسولەک و هەستیکان، ب تایبەت ئەگەر پشتی دەمەکێ زۆر دوور ببیت ژ وەرزشکرنێ.
٨. وەریانا و تەنکبوونا پڕچێ و ئاریشەیێن پیستی.
نیشانێن کێمبوونا ڤیتامین سی د لەشی دا
ڕووپەلا برایتساید بەحسا هندەک نیشانەیێن پێشوەختێن کێمیا ڤیتامین سی کریە، کو گرنگە هەموو کەس لسەر ئاگەهدار بیت، ژ وان ژی:
- گەلەک جاران پیێن ددانا خوین لدهێت.
- ب ساناهی تووشی برینداریێ دبیت و برین درەنگ چێدبیت و خۆ لێکددەت.
- پرچ گەلەک بێهێز دبیت و ب ساناهی دوەریت.
- گەهێن هەستیان ب بەردەوامی تووشی ئازارێ دبن.
- ب بەردەوامی نەخۆشدبیت و بەڕەڤانیا لەشی یا کێمە.
- بێ سەدەم کێشا لەشی زێدەدبیت.
- بەردەوام و ب درێژاهیا رۆژێ خەوکی و ماندوو دبیت.
- پیست هشک و مری دیاردبیت.
- زوو زوو خوین ژ دفنێ دهێت.
دیارترین سێ نیشان ئاماژەنە بۆ کێمیا ڤیتامین B12 د لەشى دا
رۆپەلا ئێکسپرێس د بابەتەکێ ساخلەمیێ دا نڤیسیە، کێمبوونا ڤیتامین بى ١٢ مەرەم ئەوە لەشى رێژا پێتڤیا وێ ڤیتامینێ د خوارنێ دا دەست نەکەفتیە کو ژێدەرێ وێ سەرەکى گوشتێ سورە ، زێدە جاران ئاریشا کێم خوینیێ سەدەمەکا دى یە بۆ باش نەمژینا ڤیتامین بى ١٢ ژ ئالیێ لەشى ڤە.
ئەگەر چارەسەریا زوو یا کێمیا ڤیتامینبى ١٢ نەهێتە کرن ئەگەر هەیە کو تووشى خوورین و بهێن تەنگى و دل بیت ، دگەل زێدەبوونا مەترسیا تووشبوونێ ب نەزۆکى و پەنجەشێرا مەعیدەى.
ژ وان نیشانان ژى:
ـ ژدەست دانا تەرکیزێ.
ـ هەست کرن ب خەوێ
ـ پربوونا مژیلانکا
- نینوۆک بێهێز دبن و ب ساناهی دشکێن.
س.ع