فۆتۆ:
2020-10-21
360 جار خوێندراوەتەوە
لگۆری تازەترین ڤەکۆلین هەبوونا مووچەیەکێ باش کەسی ژ نەخۆشیێن دلی و جەلتەیا مەژی دپارێزیت، هەڤدەم، ئەوێن مووچەیێن وان زۆرن ڕێژەیا توشبوون ب نەخۆشیان یا کێمە.
لگۆری ڤەکۆلینێ بۆ زانایان دەرکەفتیە، ئەوێن کو مووچەیێ وان یێ زۆرە، ب ڕێژەیا ١٥% کێمتر توشی نەخۆشیێن دلی دبن، هەروەسا، ئەو کەسێن کو خودان مووچەیەکێ کێمن ب ڕێژەیا ٢٠%ێ ڕێژەیا توشبوون ب جەلتەیا دلی و مەژی زێدە دکەت.
وێ تیما زانایان ل نەخۆشخانەیا "ژنان برێگهام" ڤەکۆلین ئەنجامدایە و بۆ دەما ١٧ سالان بەردەوامبوویە، کو نێزیکی نەهـ هزار کەسان پشکداری تێداکریە.
لگۆری ئەنجامان ژی، دەرکەفتیە کێمیا مووچەی دبیتە سەدەما گۆهەڕتنێن خراب د دانێن خوارنێ دا، وەک کڕینا خوارنا ئەرزان و نەساخلەم، ئەڤە ژی وەسا دکەت ئەگەرا توشبوون ب جەلتەیێ و نەخۆشیێن دۆمدرێژ زێدە بکەت.
ئەڤە ژی دەمەکێ دایە، ئەگەر ئەو ڤەکۆلینە و دەرئەنجامێن کێمیا مووچەی ب هەرێما کوردستانێ ڤە بهێتە گرێدان، دبیت ل هەرێمێ ژی خرابیا ڕەوشا دارایی و کێمیا مووچەی و درەنگ پارڤەکرنێ، باندۆری لسەر ڕەوشا ساخلەمیا مووچەخۆران کربیت، ژبەر کو ل سالا ٢٠١٤ێ ڤەیە فەرمانبەرێن حکومەتا هەرێمێ مووچەیێن وان گیرۆدبن و ل سالا ٢٠١٦ێ ژی ڤەیە ب سیستەمێ پاشەکەفت و گیرۆکرن دهێتە پارڤەکرن.
س.م