فۆتۆ:
2020-10-18
470 جار خوێندراوەتەوە
پسپۆڕێن بیاڤێن نۆژداری ل نەخۆشخانەیا مایۆ ل ویلایەتا ئاریزۆنا یا ئەمەریکا ئاشکرا کرنە، ماددەیێن خوارنێ شیان هەنە ساخلەمیا دەروونی یا مرۆڤان باشتر بکەن.
رۆپەلا " Focus.de"یا ئەلمانی ئاماژە کریە، نۆژدار بۆ باشکرنا میزاجێ رێنمایان ددەن کو باقلکان، ماسییان، چەرەزاتان، برۆکلی، سپێناخ و هێکان بخۆن، ژبەرکو هاریکارن بۆ کێمکرنا نیشانەیێن خەمۆکیێ، هاندانا بەرهەمئینانا هۆرمۆنێن دڵخۆشیێ (سیرۆتۆنین و دۆپامین.
باقلک و چەرەزات و هێک ژی ئەمینی تێدایە کو گرنگ و پێدڤینە بۆ پاراستنا هەڤسەنگیا هۆرمۆنا سیرۆتۆنین د لەشی دا، هەروەها هاریکارن ژ بۆ کو بکارین باش بنڤین و ل خەو رابین.
سپێناخ و برۆکلی ژی زەنگینن ب ترشێ فۆلیك کو ئەگەر د لەشی دا کێمبیت دێ بیتە سەدەما تووشبوونێ ب حاڵەتێ تێكچوونا خەو و خەمۆکیێ.
ئەڤ ماددە هاریکارن بۆ باشترکرنا میزاج و رەۆشا دەروونی، لێ د حالەتێ دەرکەفتنا نیشانەیێن خەمۆکیێ دا دڤێت سەردانا نۆژدارێ پسپۆڕ بهێت کرن.